ម៉ូតូ២គ្រឿងបុកគ្នា បណ្តាលអោយស្លាប់២នាក់ ហេតុការណ៍គ្រោះថ្នាក់ចរាចរណ៍

កណ្តាល៖ កាលពីរសៀលថ្ងៃទី៣១ ខែមករា ឆ្នាំ២០២២ នៅចំណុចជាតិលេខ២១ ស្ថិតក្នុងភូមិទេពអរជូន ឃុំកោះខែល ស្រុកស្អាង ខេត្តកណ្តាល ។
មុនពេលកើតហេតុ មានម៉ូតូមួយគ្រឿង ម៉ាកWinnerX ពណ៌ក្រហម ពាក់ផ្លាកលេខ កំពង់ ឆ្នាំង 1J-1837 បើកបរដោយឈ្មោះ ជា ឡុងហេង ភេទប្រុស អាយុ ២៤ឆ្នាំ មានទីលំនៅ ភូមិ ព្រែកថ្មី ឃុំព្រែកអំបិល ស្រុកស្អាង ខេត្តកណ្ដាល ពី ត្បូងទៅជើង (ជ្រៃធំ-តាខ្មៅ) ពាក់មួកសុវត្ថិភាព។ លុះពេលមកដល់កន្លែងកើតហេតុ ស្រាប់តែបុកជាមួយម៉ូតូមួយគ្រឿងទៀតដែលបើកបរក្នុងទិសដៅបញ្ជ្រាសទិសគ្នា ពីជើងទៅត្បូង(តាខ្មៅ-ជ្រៃធំ) ម៉ូតូមានម៉ាក MSLAS ពណ៍ ទឹកប្រាក់ ពាក់ផ្លាកលេខ ភ្នំពេញ 1IB-8834 បើកបរដោយឈ្មោះ ចាយ ឌី ភេទប្រុស អាយុ២១ឆ្នាំ មាន ទីលំនៅ ភូមិគោកអង្គង់ ឃុំពោធិ៍រំចាក ស្រុកព្រៃកប្បាស ខេត្តតាកែវ (ពាក់មួកសុវត្ថិភាព) បណ្ដាលឲ្យអ្នកបើក បរម៉ូតូទាំងពីរ ស្លាប់ភ្លាមៗនៅកន្លែងកើតហើយ ។
សមត្ថកិច្ចជំនាញបានចុះមកពិនិត្យ និងវាស់វែងកន្លែងកើតហេតុ និងយកវត្ថុតាងទាំងពីរមករក្សាទុកនៅអធិការដ្ឋាននគរបាលស្រុកស្អាង ដើម្បីកសាងសំណុំរឿងតាមនីតិវិធី ។ ចំណែក សពអ្នកទាំងពីរ ត្រូវបានប្រគល់ជូនក្រុមគ្រួសារយកទៅធ្វើបុណ្យ តាម ប្រពៃណី ៕