ក្នុងបុរី អេកូរេស៊ីដិន ត្រូវក្រុមចោរលួចផ្លាកលេខឡានអស់ ចំនួន៥គ្រឿង បង្កការភ្ញាក់ផ្អើល

ភ្នំពេញ៖ ក្រុមចោរបានធ្វើសកម្មភាពលួចផ្លាកលេខរថយន្តចំនួន៥គ្រឿងបានសម្រេច នៅក្នុងបុរី ដឹអេកូរេស៊ីដិន ស្ថិតភូមិក្រាំងដូនទៃ សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ កាលពីយប់ថ្ងៃទី៣០ ខែមករា ឆ្នាំ២០២២ លួចបានផ្លាកលេខ១គ្រឿងនិងយប់ទី៣១ ខែមករា ឆ្នាំ២០២២ លួចបានផ្លាកលេខ៤គ្រឿងតែម្តង។ លំនៅឋានជាទីដ៏កក់ក្តៅមួយសម្រាប់ក្រុមគ្រួសារនីមួយៗ ជាពិសេសបញ្ហាសន្តិសុខ តែម្តង ។ ប៉ុន្តែ បើក្នុងបុរី អេកូរេស៊ីដិន អសន្តិសុខម្លឹងៗ តើអោយប្រជាពលរដ្ឋរស់នៅមានក្តីសុខដូចម្តេចទៅ ? ។
រថយន្តដែលបាត់ផ្លាកលេខ ៖ ទី១ម៉ាក ព្រូសពណ៌ប្រផេះ ទី២ រថយន្តម៉ាក ព្រូសពណ៌ ក្រហម ទី៣ រថយន្ត ឡិចស៊ីស RX300 ពណ៌ទឹកប្រាក់ ទី៤ រថយន្ត ម៉ាក MG ពណ៌ស និង ទី៥ រថយន្តម៉ាក Ford Ranger ពណ)ស។
ប្រជាពលរដ្ឋដែលរស់នៅក្នុងបុរីដឹអេកូរេស៊ីដិន បានត្អូញត្អែរថា រស់នៅពុំមានសុវត្ថិភាពទេ ដោយសូមអោយយ៉ាងអាជ្ញាធរនិងកម្លាំងមានសមត្ថកិច្ច ជាពិសេសសន្តិសុខក្នុង បុរីដឹអេកូរេស៊ីដិន តែម្តង មេត្តាជួយពង្រឹងការយាមល្បាត ពួនស្ទាក់ក្នុងមូលដ្ឋាននេះផង ដើម្បីអោយពលរដ្ឋរស់នៅមានភាពកក់ក្តៅ មិនភិតភ័យពីការបាត់បង់ទ្រព្យសម្បត្តិផ្សេងៗ ។
កន្លងមក ក៏មានម្ចាស់ផ្លាកលេខពិតប្រាកដ បានជួបប្រទះដោយចៃដន្យ ដោយឃើញផ្លាកលេខរបស់ខ្លួន បំពាក់លើរថយន្តដទៃ ដោយមានម៉ាកនិងពណ៌ដូចគ្នា ហើយមានរថយន្តខ្លះ មានទាំងកាតគ្រីក្លែងក្លាយដូចរថយន្តពិតប្រាកដទៀតក៏មានដែរ ៕