គ្រោះថ្នាក់ចរាចរណ៍រវាងម៉ូតូនិងរថយន្តបណ្តាលឱ្យមនុស្សម្នាក់.ស្លា.ប់.ភ្លាមៗ

កំពង់ឆ្នាំង: នៅ រសៀលថ្ងៃទី៣ ខែកុម្ភៈ ឆ្នំា២០២២ នៅលើកំណាត់ផ្លូវជាតិលេខ៥ ចន្លោះបង្គោលគីឡូម៉ែត្រលេខ ៥០ និង ៥១ ដែលស្ថិតក្នុងភូមិតាកុល ឃុំពានី ស្រុកកំពង់ត្រឡាច ខេត្តកំពង់ឆ្នាំង មានករណីគ្រោះថ្នាក់ចរាចរណ៍មួយកើតឡើងរវាងម៉ូតូនិងរថយន្ត បណ្តាលឱ្យមនុស្សម្នាក់ស្លាប់។
បុរសដែលបាត់បង់ជីវិតក្នុងហេតុការណ៍នេះ ជិះម៉ូតូ C100 កូរ៉េ ម៉ូតូឆ្អឹងសុទ្ធគ្មានលេខ ឈ្មោះ កូប សុគឿន អាយុ ៤៦ ឆ្នាំ រស់នៅក្នុងភូមិព្រែកកន្លង ឃុំកំពង់ត្រឡាច ស្រុកកំពង់ត្រឡាច ខេត្តកំពង់ឆ្នាំង បើកបរពីទិសខាងជើងឆ្ពោះទៅទិសខាងត្បូង។ នៅពេលមកដល់ចំណុចកើតហេតុខាងលើក៏បានរេចង្កូតមកឆ្វេង បុកចូលចំណែកផ្លូវរបស់រថយន្តម៉ាក HYUNDAI ពណ៌ ស ក្រហម ពាក់ស្លាកលេខ កំពង់ឆ្នាំង ៣A ១១០៣ ដែលបើកច្រាស់ទិសគ្នា។ ក្រោយកើតហេតុអ្នកបើកបររថយន្តគេចខ្លួនបាត់ ដោយបន្សល់ទុកតែរថយន្តនៅកន្លែងកើតហេតុ៕