យុវតីជាសិស្សសាលាម្នាក់ ស្លាប់ភ្លាមៗ ខណៈជិះម៉ូតូធ្លាក់ចូលរថយន្តស៊ីទែន ដឹកកៅស៊ូធ្វើផ្លូវ

ខេត្តសៀមរាប៖ ហេតុការណ៍បានកើតឡើងវេលាម៉ោង០៦និង៥០នាទី ថ្ងៃទី០៥ ខែកុម្ភ: ឆ្នាំ២០២២ នៅចំណុចភូមិដូនហុង ឃុំដំដែក ស្រុកសូទ្រនិគម ខេត្តសៀមរាប លើកំណាត់ផ្លូវជាតិលេខ៦។
ករណីគ្រោះថ្នាក់ចរាចរណ៍នេះ បង្កដោយម៉ូតូម៉ាកC125 ហុងដាឌ្រីម ពណ៌ខ្មៅ ពាក់ស្លាកលេខសៀមរាប 1V.7876 បើកបរដោយឈ្មោះហឿម តុង ភេទប្រុសអាយុ១៦ឆ្នាំ ទីលំនៅភូមិខ្ចាស់ ឃុំខ្ចាស់ ស្រុកសូទ្រនិគម ខេត្តសៀមរាប (ជាសិស្សសាលា) បើកឌុបគ្នា១នាក់ទៀត ឈ្មោះហ៊ុន រត្នសុលីន ភេទស្រី អាយុ១៦ឆ្នាំ ទីលំនៅភូមិខ្ចាស់ ឃុំខ្ចាស់ ស្រុកសូទ្រនិគម ខេត្តសៀមរាប (ជាសិស្សសាលា) មានទិសដៅពីលិច ទៅកើតហើយធ្លាក់ ចូលរថយន្តស៊ីទែនដឹកកៅស៊ូធ្វើផ្លូវ ពាក់ស្លាកលេខភ្នំពេញ3F3231មបើកពីកើតទៅលិច ជាន់ចំក្បាល បណ្ដាលអោយស្លាប់តែម្ដង។ ចំណែកអ្នកបើកបររថយន្តឈ្មោះសាក់ សម្អាត ភេទប្រុស អាយុ៣៣ឆ្នាំ ទីលំនៅភូមិត្រពាំងសំរោង ឃុំលង្វែក ស្រុកកំពង់ត្រឡាច ខេត្តកំពង់ឆ្នាំង (បច្ចុប្បន្ន ត្រូវនគរបាលឃាត់ខ្លួន) ។ សមត្ថកិច្ចចុះធ្វើការវាស់វែងនិងប្រគល់សាកសពអោយឪពុកម្ដាយយកទៅធ្វីបុណ្យតាមប្រពៃណី ៕