រថយន្តមួយគ្រឿង បើកបត់ឆ្វេងមិនប្រយ័ត្ន បណ្ដាលឲ្យបុកម៉ូតូមួយគ្រឿង ធ្វើឲ្យនារី២នាក់ ជាអ្នកបើកបរម៉ូតូ រងរបួសធ្ងន់ស្រាល ២នាក់

ខេត្តកណ្ដាល៖ នៅថ្ងៃទី០៤ ខែកុម្ភៈ ឆ្នាំ២០២២ ត្រង់ចំណុចផ្លូវ១១៥ កែងផ្លូវ ២១១ ស្ថិតនៅភូមិព្រែករាំង សង្កាត់កំពង់សំណាញ់ ក្រុងតាខ្មៅ ខេត្តកណ្ដាល ។
រថយន្តបង្ករម៉ាក NISSAN ពណ៌ស ពាក់ស្លាកលេខភ្នំពេញ3C-8098 បើកបរដោយឈ្មោះ ជឹម សុខហាយ ភេទប្រុស អាយុ៣៤ឆ្នាំ មានទីលំនៅភូមិជូស ឃុំជីខ្មា ស្រុកទ្រាំង ខេត្តតាកែវ។ ចំណែកម៉ូតូជនរងគ្រោះម៉ាកSUZUKI NEX ពណ៌ស+លឿង ពាក់ស្លាកលេខកណ្ដាល1V-6890 បើកបរដោយឈ្មោះ.ថន កញ្ញា ភេទស្រី អាយុ១៦ឆ្នាំ (របួសស្រាល) និងមានអ្នករួមដំណើរពីក្រោយឈ្មោះ ចំរើន វណ្ណាពៅ ភេទស្រី អាយុ១៦ឆ្នាំ (របួសធ្ងន់)។ ជនរងគ្រោះទាំងពីមានទីលំនៅភូមិព្រែករាំង សង្កាត់កំពង់សំណាញ់ ក្រុងតាខ្មៅ ខេត្តកណ្ដាល។

នៅមុនពេលកើតហេតុគេបានឃើញរថយន្តមួយគ្រឿងម៉ាក NISSAN ពណ៌ស ពាក់ស្លាកលេខភ្នំពេញ3C-8098 បើកបរក្នុងទិសដៅពីកើតទៅលិច លុះមកដល់ចំណុចកើតហេតុ រួចបត់ឆ្វេង ក៏បានបុកជាមួយម៉ូតូមួយគ្រឿងម៉ាកSUZUKI NEX ពណ៌ស+លឿង ពាក់ស្លាកលេខកណ្ដាល1V-6890 ដែលបើកបរម៉ូតូឈ្មោះ.ថន កញ្ញា ភេទស្រី អាយុ១៦ឆ្នាំ (របួសស្រាល) និងអ្នករួមដំណើរពីក្រោយឈ្មោះ.ចំរើន វណ្ណាពៅ ភេទស្រី អាយុ១៦ ឆ្នាំ (របួសធ្ងន់)។

ក្រោយពីមានហេតុការណ៍កើតឡើង ជនរងគ្រោះ ត្រូវបានសាច់ញាតិដឹកយកទៅសង្រ្គោះនៅមន្ទីរពេទ្យសម្ភពផល្លីទាំង០២នាក់។ ចំពោះមធ្យោបាយដែលពាក់ព័ន្ធ ត្រូវបានកម្លាំងនគរបាលចរាចរណ៍ក្រុងតាខ្មៅ យកមករក្សាទុកបណ្តោះអាសន្ននៅអធិកាដ្ឋានដើម្បីចាត់ការតាមនីតិវិធី៕