គ្រោះថ្នាក់ចរាចរណ៍ រវាងរថយន្តនិងម៉ូតូបុកគ្នា បណ្តាលឲ្យមនុស្សម្នាក់រងរបួសធ្ងន់ ត្រូវបញ្ជូនទៅកាន់មន្ទីរពេទ្យ

ភ្នំពេញ: នៅ ថ្ងៃទី០៧ ខែកុម្ភ: ឆ្នាំ២០២២ ករណីគ្រោះថ្នាក់ចរាចរណ៍ មួយបានកើតឡើង រថយន្តម៉ាកអាល់ហ្វាត មួយគ្រឿង ពណ៌ខ្មៅ ពាក់ស្លាកលេខភ្នំពេញ2AZ-6196 បើកបរបុកម៉ូតូឌ្រីមសង់ឆ្នាំ២០២២ មួយគ្រឿង ពណ៌ខ្មៅ ពាក់ស្លាកលេខភ្នំពេញ 1JE-0036 បណ្តាលឲ្យមនុស្សម្នាក់រងរបួសយ៉ាងធ្ងន់ធ្ងរ បង្កឲ្យមានការភ្ញាក់ផ្អើលកើត ឡើង ទីតាំងកន្លែងកើតហេតុ ស្ថិតតាមបណ្តោយផ្លូវម៉ៅសេទុង ក្នុងសង្កាត់បឹងត្របែក ខណ្ឌចម្ការមន រាជធានីភ្នំពេញ ។
នៅមុនពេលកើតហេតុ ករណីគ្រោះថ្នាក់ចរាចរណ៍ខាងលើនោះ គេឃើញរថយន្តនិងម៉ូតូទាំងពីរគ្រឿងនេះ ធ្វើដំណើរតាមដងផ្លូវម៉ៅ សេទុង ។ លុះពេលធ្វើដំណើរមកដល់ត្រង់ចំណុចកើតហេតុ ស្រាប់តែបុកគ្នាបណ្តាលឲ្យរងការខូចខាតទាំងសងខាង ។ ចំណែកភាគី ខាងម៉ូតូត្រូវបានរងរបួសយ៉ាងធ្ងន់ធ្ងរ ត្រូវបានដឹកបញ្ជូនទៅកាន់មន្ទីរពេទ្យដើម្បីជួយសង្រ្គោះបន្ទាន់ផងដែរ ។
ករណីនេះ ម្ចាស់ភាគីទាំងសងខាងធ្វើការដោះ ស្រាយគ្នាមិនត្រូវនោះទេ កម្លាំងសមត្ថកិច្ចនគរបាលនឹងធ្វើការវាស់វែង យកវត្ថុតាងទាំងពីរគ្រឿង ទៅរក្សាទុកជាបណ្តោះអាសន្ន ដើម្បី រង់ចាំធ្វើការដោះស្រាយគ្នានៅពេលក្រោយទៅតាមនីតិវិធីផ្លូវច្បាប់ ៕