ប្រទះឃើញបុរសម្នាក់ស្លាប់ នៅក្នុងទឹកស្រះ បន្ទាប់ពីក្រុមគ្រួសារបាត់យូរ មិនឃើញត្រលប់មកផ្ទះទើបស្វះស្វែងដើររក

ខេត្តស្វាយរៀង៖ កាលពី យប់ ថ្ងៃទី១០ខែកុម្ភៈឆ្នាំ២០២២ នៅចំណុចភូមិស្វាយធំ ឃុំស្វាយរំពារ ស្រុកស្វាយទាប ខេត្តស្វាយរៀង។ បុរសនេះមានឈ្មោះ ចាន់ សុវណ្ណរ៉ា អាយុ២៩ឆ្នាំ មុខរបរកសិករមានទីលំនៅភូមិស្វាយធំ ឃុំស្វាយរំពារ ស្រុកស្វាយទាប ខេត្តស្វាយរៀង។
មុនកើតហេតុគេឃើញបុរសឈ្មោះចាន់ សុវណ្ណរ៉ា បានចេញពីផ្ទះតែម្នាក់ឯងក្នុង
គោលបំណងដើរឆ្លុះត្រីទុកធ្វើម្ហូប។ ក្រោយមកស្រាប់តែមានការភ្ញាក់ផ្អើលដល់ក្រុមគ្រួសារខណៈដែលគេប្រទះឃើញជនរងគ្រោះស្លាប់នៅក្នុងស្រះទឹក ហើយក៏រាយការណ៍មកសមត្ថកិច្ចចុះទៅពិនិត្យសពតែម្ដង។
សមត្ថកិច្ចនគរបាលស្រុកសហការជាមួយនគរបាលប៉ុស្តិ៍និងគ្រូពេទ្យចុះទៅពិនិត្យសពហើយសន្និដ្ឋានថា ជនរងគ្រោះពិតជាស្លាប់ដោយលង់ទឹកប្រាកដមែន ខណៈដែលក្រុមគ្រួសារអះអាងថាគាត់មានជំងឺប្រកាច់ដោយខិតខំព្យាបាលដែរ ប៉ុន្តែមិនបានធូរស្រាល។ សពត្រូវបានសមត្ថកិច្ចធ្វើកំណត់ហេតុនិងប្រគល់ឱ្យក្រុមគ្រួសារយកទៅធ្វើបុណ្យតាមប្រពៃណី៕