.ជ.ន.ស.ង្ស័.យ.៣នាក់ជាប់ពាក់ព័ន្ធទៅនឹងករណីជួញដូរ.គ្រឿ.ង.ញៀ.ន.

ខេត្តកំពង់ស្ពឺ : ជនសង្ស័យ៣នាក់ជាប់ពាក់ព័ន្ធទៅនឹងករណីជួញដូរគ្រឿងញៀនត្រូវបានកម្លាំងសមត្ថកិច្ចនៃមន្ទីរប្រឆាំងបទល្មើសគ្រឿងញៀនបង្ក្រាបនឹងរឹបអូសបានគ្រឿងញៀនជិត១គីឡូក្រាម។

គួររំលឹកថា កាលពីថ្ងៃទី៨ ខែកុម្ភៈ ឆ្នាំ២០២២ វេលាម៉ោង១៧និង៣០នាទី សមត្ថកិច្ចនៃមន្ទីរប្រឆាំងបទល្មើសគ្រឿងញៀន(ក៤) ដឹកនាំដោយលោក ឧត្តមសេនីយ៍ទោ ឃឹង សារ៉ាត់ នាយករងមន្ទីរ ចូលរួមសហការពីកម្លាំងនៃស្នងការដ្ឋាននគរបាលខេត្តកំពង់ស្ពឺ សម្របសម្រួលដោយ លោកស្រីចាត សូរស្មី ព្រះរាជអាជ្ញា នៃអយ្យការអមសាលាដំបូងខេត្តកំពង់ស្ពឺ ចុះស្រាវជ្រាវ និងឈានទៅបង្ក្រាបករណីជួញដូរដោយខុសច្បាប់នូវសារធាតុញៀននៅចំណុចភូមិរលាំងសង្កែ សង្កាត់សុព័រទេព ក្រុងច្បារមន ខេត្តកំពង់ស្ពឺ ដោយឃាត់ខ្លួនជនសង្ស័យបាន៣នាក់ :
១-ឈ្មោះ ហៃ លីហុង ភេទប្រុស អាយុ ៣២ឆ្នាំ ជនជាតិខ្មែរ។
២-ឈ្មោះ វ៉េន វឿន ភេទប្រុស អាយុ ២៩ឆ្នាំ ជនជាតិខ្ម្មែរ។
៣-ឈ្មោះ ភិន កាំង ភេទប្រុស អាយុ ២០ឆ្នាំ ជនជាតិខ្មែរ ព្រមទាំងរឹបអូសបានវត្ថុតាងជាគ្រឿងញៀនមេតំហ្វេតាមីន(ICE) ទម្ងន់សុទ្ធ ៩៧៣.៦៣ក្រាម
ជនសង្ស័យនិងវត្ថុតាងចាប់យកខាងលើ សមត្ថកិច្ចជំនាញយើងបានកសាងសំណុំរឿងបញ្ជូនទៅសាលាដំបូងខេត្តកំពង់ស្ពឺបន្តតាមនីតិវិធី ៕