គ្រោះថ្នាក់ចរាចរណ៍ បណ្ដាលឲ្យបុរសម្នាក់រងរបួសធ្ងន់ បន្ទាប់ពីជិះម៉ូតូបុកជាមួយរថយន្ត

ភ្នំពេញ: កាលពីវេលាម៉ោង ១១ និង២៥នាទីព្រឹកថ្ងៃទី១២ ខែកុម្ភ: ឆ្នាំ២០២២ ករណីគ្រោះថ្នាក់ចរាចរណ៍មួយ បណ្ដាលឲ្យបុរសម្នាក់រងរបួសធ្ងន់ បន្ទាប់ពីជិះម៉ូតូបុកជាមួយរថយន្ត កំពុងបើកឆ្លងផ្លូវបញ្ជូនទៅសង្គ្រោះភ្លាមៗ នៅឯមន្ទីរពេទ្យហេតុការណ៍នេះ បង្កការភ្ញាក់ផ្អើល ទីតាំងកន្លែងកើតហេតុ ស្ថិតនៅតាមបណ្ដោយផ្លូវបេតុងផ្សារតាំងក្រសាំង ក្នុងសង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ ។
មុនដំបូងគេបានឃើញបុរសម្នាក់ បើករថយន្តកូរ៉េទ្រង់ពណ៌ខៀវ ពាក់ស្លាកលេខ ភ្នំពេញ 2O-4923 ក្នុងទិសដៅពីជើងទៅត្បូង មកដល់ចំណុចកើតហេតុ ក៏បានបត់ឆ្វេងឆ្លងផ្លូវស្របពេលនោះ ក៏មានបុរសម្នាក់ដឹកអីវ៉ាន់ធ្វើដំណើរដោយម៉ូតូស្កុបពី ពណ៌ស ពាក់ស្លាកលេខ ភ្នំពេញ 1HK- 3891 បើកបរក្នុងទិសដៅពីត្បូងទៅជើង សង្ស័យវាក់អើហ្រ្វាំងមិនទាន់ បណ្តាលឲ្យជ្រុលទៅបុកចំ ចំហៀងរថយន្ត បណ្ដាលឲ្យដួលរងរបួសធ្ងន់ បញ្ជូនទៅសង្គ្រោះភ្លាមៗ ៕