រថយន្តហ៊ីយ៉ាន់ដាយមួយគ្រឿង បើកវ៉ាជែងកៀររ៉ឺម៉កលក់មីឆា បណ្តាលឲ្យទៅប៉ះនុងរ៉ម៉កដឹកទឹកកគាបជាប់ និងរថយន្តម៉ាកFordមួយគ្រឿងទៀត រងការខូចខាតយ៉ាងដំណំ

ភ្នំពេញ៖ កាលពីវេលាម៉ោង១១ព្រឹកថ្ងៃទី១៥ ខែកុម្ភៈ ឆ្នាំ២២២ នៅចំណុចច្រកចូលសាលារៀនសុវណ្ណភូមិ តាមបណ្តោយផ្លូវជាតិលេខ៣ ស្ថិតក្នុងភូមិព្រៃព្រីងត្បូង សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ។

មុនពេលកើតហេតុគេបានឃើញរថយន្តម៉ាកFordពណ៌ស ពាក់ស្លាកលេខភ្នំពេញ2AK 8711 បើកបរតាមបណ្តោយផ្លូវជាតិលេខ៣ក្នុងទិសដៅពីត្បូងទៅជើងយឺតៗ ស្របជាមួយរ៉ឺម៉កលក់មីឆានិងរ៉ឺម៉កដឹកទឹកក ភ្លាមនោះស្រាប់តែមានរថយន្តម៉ាកហ៊ីយ៉ាន់ដាយ ពណ៌ស ពាក់ស្លាកលេខភ្នំពេញ3F 4729 ធ្វើដំណើរមកពីក្រោយបើកកៀររ៉ឺម៉កលក់មីឆា ហើយរ៉ឺម៉កលក់មីឆាបន្តកៀររ៉ឺម៉កដឹកទឹកកក រ៉ឺម៉កទឹកទឹកកកក៏បន្តទៅគាបជាប់រថយន្តFord រងការខូចខាតយ៉ាងដំណំ សំណាងម្ចាស់រ៉ឺម៉កលក់មីឆារបួសស្រាល តែបង្កការកកស្ទះចរាចរណ៍យ៉ាងខ្លាំង។
សមត្ថកិច្ចចុះមកដល់ចំណុចកើតហេតុគូសវាស ដើម្បីយករ៉ឺម៉កអែបខាងនិងឲ្យភាគីទាំងអស់សម្របស្រួលគ្នា៕