បុរសម្នាក់បានស្លាប់ និងស្ត្រីពីរនាក់រងរបួសធ្ងន់ ដោយសាររថយន្តស៊េរីទំនើប បើកបរក្នុងស្ថានភាពស្រវឹងស្រា បុករ៉ឺម៉កគាត់ពេញទំហឹង នឹងបន្តទៅបុកដើមឈើ និងបង្គោលភ្លើងថ្មមួយដើមទៀត

ភ្នំពេញៈ កាលពីវេលាម៉ោង៤ ទៀបភ្លឺឈានចូលថ្ងៃទី១៧ ខែកុម្ភៈ ឆ្នាំ២០២២ នៅតាមបណ្ដោយផ្លូវ២០០៤ ក្នុងសង្កាត់អូរបែកក្អម ខណ្ឌ សែនសុខ ។
បុរសដែលស្លាប់ឈ្មោះ ណាក់ អាយុ៣៨ឆ្នាំ មុខរបរដឹកបន្លែ រស់នៅភូមិជ្រោយចំប៉ា ឃុំគគីរ ស្រុកកៀនស្វាយ ខេត្តកណ្តាល។ ចំណែកស្ត្រីរងរបួសជាប្រពន្ធមានឈ្មោះ យ៉ែម សម្ផស្ស អាយុ៤២ឆ្នាំ មុខរបរលក់បន្លែនៅផ្សារសិនជូរី ពោធិ៍ចិនតុង រស់នៅជាមួយប្តី និងអ្នករួមដំណើរមិនត្រូវបានស្គាល់អត្តសញ្ញាណនោះទេ។ ដោយឡែកអ្នកបើករថយន្តមិនត្រូវបានស្គាល់អត្តសញ្ញាណនៅឡើយ ។
រថយន្តស៊េរីទំនើបបង្កហេតុ ម៉ាក AUDI A7 ស៊េរីឆ្នាំ២០១២ ពណ៌ខ្មៅ ពាក់ស្លាកលេខ ភ្នំពេញ 2AZ.2550 បើកបរដោយយុវជនម្នាក់ និងរួមដំណើរយុវជនម្នាក់ទៀតស្រវឹងស្រាជោក។
សមត្ថកិច្ចជំនាញចុះមកវាស់វែង ស្ទូចយករថយន្ត និងរ៉ឺម៉កទៅរក្សាទុក នៅចរាចរណ៍ក្រុងរងចាំដោះស្រាយគ្នាតាមផ្លូវច្បាប់ ចំណែកសពសមត្ថកិច្ចធ្វើកំណត់ហេតុរួចប្រគល់ឲ្យសាច់ញាតិដឹកយកទៅស្រុកកំណើតធ្វើបុណ្យតាមប្រពៃណី៕