ម្ចាស់ជ័យលាភី នឹងទទួលបានទឹកប្រាក់រង្វាន់ ១ម៉ឺន ៥ពាន់ដុល្លារ និងក្លាយជាតារាចម្រៀងកុងត្រាប្រចាំផលិតកម្មរស្មីហង្សមាស តើបានទៅលើបេក្ខជនណា?

ភ្នំពេញ ៖ លទ្ធផលនៃវគ្គពាក់កណ្តាលផ្តាច់ព្រ័ត្រនៃកម្មវិធីប្រលងចម្រៀងដ៏ល្បី Beat The Best បានរកឃើញ ជើងខ្លាំង ៤រូប សុទ្ធតែបុរសដើម្បីឈានទៅដើម្បីជ័យលាភីនៅក្នុងវគ្គផ្តាច់ព្រ័ត្រ នៅថ្ងៃអាទិត្យចុងសប្តាហ៍នេះ។
តាមរយៈការផ្សាយផ្ទាល់កាលពីរាត្រីថ្ងៃអាទិត្យ ទី២០ ខែកុម្ភៈ ឆ្នាំ២០២២ តាមរយៈសម្លេងសារគាំទ្រពីទស្សនិកជនក្នុងចំណោមបេក្ខជនបេក្ខនារី ៦រូប គឺមានតែ ៤រូបប៉ុណ្ណោះដែលទទួលបានសម្លេងសារគាំទ្រច្រើន ដែលរួមមាន បេក្ខជន សួ វិចិត្រ, បេក្ខជន ឈាន ជាលឿយ, បេក្ខជន ពេជ្យ ម៉េងលី និងបេក្ខជន អ៊ីម ថៃ ។
សូមជម្រាបថា ការប្រកួតផ្តាច់ព្រ័ត្រ Beat The Best នឹងត្រូវផ្សាយផ្ទាល់ទៅរាត្រីថ្ងៃអាទិត្យ ទី២៧ ខែកុម្ភៈ ឆ្នាំ២០២២ ដោយម្ចាស់ជ័យលាភី នឹងទទួលបានទឹកប្រាក់រង្វាន់ ១ម៉ឺន ៥ពាន់ដុល្លារ និងក្លាយជាតារាចម្រៀងកុងត្រាប្រចាំផលិតកម្មរស្មីហង្សមាស៕