ជនជាតិចិនមួយក្រុម បើករថយន្តម៉ាកព្រូសមួយគ្រឿង ក្នុងល្បឿនលឿនដូចហោះ បួងចង្កូតយ៉ាងមិច ស្រាប់តែក្រឡាប់ផ្ងាជើង

ភ្នំពេញ៖ កាលពីវេលាម៉ោង១រំលងអាធ្រាត្រ ឈានចូលថ្ងៃទី២៤ ខែកុម្ភៈ ឆ្នាំ២០២២ នៅចំណុចស្តុបកប់ស្រូវ ផ្លូវជាតិលេខ៤ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។

មុនពេលកើតហេតុគេបានឃើញរថយន្ត៉ាកព្រូសពណ៌ផ្សែងបារី ពាក់ស្លាកលេខភ្នំពេញ2AX 0797 បើកបរដោយជនជាតិចិននិងរួមដំណើរជនជាតិចិនមួយក្រុមទៀតធ្វើដំណើរតាមបណ្តោយផ្លូវជាតិលេខ៤ ក្នុងទិសដៅលិចទៅកើតក្នុងល្បឿនលឿន ខណៈមកដល់ចំណុចកើតហេតុដោយសារតែស្ថានភាពផ្លូវមានជង្ហុកផងនោះមិនដឹងបួងចង្កូតយ៉ាងមិចក៏ក្រឡាប់ផ្ងាជើងម្ខាងអូសជាច្រើនម៉ែត្រ បណ្តាលឲ្យរងការខូចខាតតែសំណាងមិនមានមនុស្សរងរបួស។

សមត្ថកិច្ចបានចុះមកដល់ចំណុចកើតហេតុដោយសារតែមិនប៉ះពាល់ដល់អ្នកផ្សេង ទើបប្រគល់រថយន្តឲ្យម្ចាស់យកទៅជួសជុលខ្លួនឯង៕