បុរសម្នាក់ សមត្ថកិច្ចឃាត់ខ្លួន ពាក់ព័ន្ធនឹងសារធាតុញៀន

ខេត្តបាត់ដំបង៖ នៅចំណុចក្រុមទី០៥ ភូមិ វត្តរំដួល សង្កាត់ចំការសំរោង ក្រុងបាត់ដំបង ខេត្តបាត់ដំបង អនុវត្តតាមយោបល់ដឹកនាំជាប់ជាប្រចាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង រួមនឹងយោបល់លោកឧត្តមសេនីយ៍ត្រី កុយ ហៀង ស្នងការរងផែនការងារប្រឆាំងគ្រឿងញៀន និង សម្របសម្រួលនីតិវិធីដោយ ឯកឧត្តម កែវ សុជាតិ ព្រះរាជ្យអាជ្ញា អមសាលាដំបូងខេត្តបាត់ដំបង លោកវរសេនីយ៍ឯក ពេជ្រ សារ៉ែន អធិការនគរបាលក្រុងបាត់ដំបង បានដឹកនាំកម្លាំងជំនាញផ្នែកប្រឆាំងគ្រឿងញៀន នៅថ្ងៃទី២៦ ខែកុម្ភ: ឆ្នាំ២០២២ ។
បានចុះបង្រ្កាបករណី រក្សាទុកដោយខុសច្បាប់នូវសារធាតុញៀន ០១ ករណី ក្នុងបទល្មើសជាក់ស្តែង ឃាត់ខ្លួនជនសង្ស័យ ចំនួន០១នាក់ ឈ្មោះ ខៀវ វាសនា ភេទប្រុស អាយុ៣៦ ឆ្នាំ មានទីលំនៅក្រុមទី០៥ ភូមិវត្តរំដួល សង្កាត់ចំការសំរោង ក្រុងបាត់ដំបង ខេត្តបាត់ដំបង ។
វត្ថុតាងចាប់យកបានរួមមាន៖ម្សៅក្រាមពណ៌សថ្លាច្រកក្នុងថង់ប្លាស្ទិកថ្លា ចំនួន ០២ថង់ សង្ស័យមានសារធាតុញៀន(ទម្ងន់ ១៦,០៩ក្រាម ទាំងសំបក) ។
– ទូរស័ព្ទដៃ ០១គ្រឿង (ចាស់)
– កូនថង់សំរាប់រំលែកច្រកថ្នាំញៀនលក់ និងប្រើប្រាស់ថ្នាំញៀន មួយចំនួន ។
កម្លាំងជំនាញកំពុងក៏សាងសុំរឿងបញ្ជូនតាមនីតកវិធីច្បាប់ ៕