អគ្គិភ័យឆាបឆេះផ្ទះទិញអេតចាយមួយកន្លែង ស្ថិតនៅភូមិព្រៃក្រឡា ឃុំទូកមាសខាងលិច ស្រុកបន្ទាយមាស

កំពតៈ អគ្គិភ័យ ឆាបឆេះផ្ទះទិញអេតចាយ មួយកន្លែង ស្ថិតនៅ ភូមិព្រៃក្រឡា ឃុំទូកមាសខាងលិច ស្រុកបន្ទាយមាស កាលពី ថ្ងៃទី៣ ខែមីនា ឆ្នាំ២០២២ បណ្តាលឱ្យខាតបង់ ទ្រព្យសម្បត្តិ មានតម្លៃជិត បីម៉ឺនដុល្លារ។ ម្ចាស់ផ្ទះរងគ្រោះ ឈ្មោះ គង់ រស្មី ភេទស្រី អាយុ២៧ឆ្នាំ។
គ្រោះអគ្គិភ័យនេះ មិនបានបង្កដល់ផ្ទះសម្បែង ប្រជាពលរដ្ឋ រស់នៅជិតនោះទេ ព្រោះសមត្ថកិច្ចជំនាញ គ្រប់គ្រងបញ្ចៀស ការរាលដាល បានទាំងស្រុង។ ពេលទទួលដំណឹងភ្លាមៗ រថយន្តពន្លត់អគ្គិភ័យ ស្រុកបន្ទាយមាស និងរថយន្ត មកពីស្រុកអង្គរជ័យ ស្រុកកំពង់ត្រាច ព្រមទាំង រថយន្តរោងចក្រ ផលិតស៊ីម៉ងត៍ ជីបម៉ុង រួមជាមួយរថយន្តរបស់រោងចក្រ ផលិតស៊ីម៉ងត៍ ខេស៊ីមេន បានមកអន្តរាគមន៍ ជាបន្ទាន់។
ក្រោយពីប្រើប្រាស់ទឹកអស់ ចំនួន ១៨ រថយន្ត ភ្លើងក៏បានរលត់ ទៅវិញជាស្ថាពរ។ ប៉ុន្តែម្ចាស់ផ្ទះ បានបាត់បង់អស់ជាង ពីរម៉ឺនដុល្លារ ព្រោះតែការខូចខាត ឧបករណ៍ល្អៗ ដូចជាម៉ាស៊ីន សង្កត់គ្រីប អេតចាយ ជាដើម៕