ឃាត់ក្រុមកេ្មងស្ទាវ ២ក្រុម មានចំនួន១៨នាក់ ដែលមានរហស្សនាម ៧៩ និង ៩៨ small ប្រមូលផ្ដុំគ្នាដេញវៃគ្នា បង្កភាពអសន្តិសុខ

ភ្នំពេញ៖ នៅ យប់ ថ្ងៃទី០៥ ខែមិនា ឆ្នាំ២០២២ ក្នុងបរិវេណទីក្រុងកោះពេជ្រ មូលដ្ឋានសង្កាត់ទន្លេបាសាក់ ខណ្ឌចំការមន រាជធានីភ្នំពេញ។
ក្រុមកេ្មងស្ទាវ ២ក្រុម មានចំនួន១៨នាក់ ដែលមានរហស្សនាម ៧៩ និង ៩៨ small បានប្រមូលផ្ដុំគ្នាដេញវៃគ្នា បង្កភាពអសន្តិសុខ ក្នុងបរិវេណទីក្រុងកោះពេជ្រ ត្រូវនបាននគរបាលព្រហ្មទណ្ឌកម្រិតស្រាល នៃស្នងការដ្ឋាននគរបាលរាជធានីភ្នំពេញកំពុងល្បាត ឃាត់ខ្លួន សរុប ១៨នាក់ ក្នុងនោះស្រីម្នាក់ ម៉ូតូចំនួន០៨គ្រឿង។
នៅមុនពេលប្រតិបត្តិការឃាត់ខ្លួនក្រុមក្មេងស្ទាវទាំងពីរក្រុមនេះ គឺកម្លាំងនគរបាលព្រហ្មទណ្ឌកម្រិតស្រាលនៃស្នងការដ្ឋាននគរបាលរាជធានីភ្នំពេញបានធ្វើការល្បាតក្នុងបរិវេណកោះពេជ្រដើម្បីការពារសុខសុវត្ថិភាពជូនបងប្អូនប្រជាពលរដ្ឋដែលមកលេងក្នុងបរិវេណកោះពេជ្រ។ភ្លាមៗនោះស្រាប់តែឃើញក្រុមក្មេងស្ទាវពីរក្រុមមានគ្នាជាង ២០ នាក់បានដេញវៃគ្នាប្រផាប់ប្រភីងក្នុងបរិវេណកោះពេជ្រម្ដុំដើមឬស្សី ពេលនោះកម្លាំងនគរបាលកំពុងតែជិះម៉ូតូល្បាតបានដេញឃាត់ក្រុមក្មេងស្ទាវបានចំនួន ១៨ នាក់ក្នុងនោះមានស្រីម្នាក់និងដកហូតម៉ូតូចំនួន០៨ គ្រឿង។
ក្រុមក្មេងស្ទាវនេះ ដោយដឹងថាក្រុមមួយមានរហស្សនាម ៩៨ small និងមួយក្រុមទៀតមានរហស្សនាម៧៩ ដេញវៃគ្នា តែក្នុងហេតុការណ៍នេះមិនទាន់បណ្ដាលឲ្យមានមនុស្សរងរបួសឡើយ។
ក្រុមក្មេងស្ទាវទាំងពីរក្រុងរួមទាំងម៉ូតូ ៨គ្រឿងត្រូវបានកម្លាំងនគរបាលព្រហ្មទណ្ឌកម្រិតស្រាលបញ្ជូនខ្លួនទៅស្នងការដ្ឋាននគរបាលរាជធានីភ្នំពេញដើម្បីចាត់ការតាមនីតិវិធីច្បាប់ ៕