ឃាត់ខ្លួនបុរសពីរនាក់ បានព្រួតគ្នា វាយបុរសម្នាក់ បណ្តាលឱ្យរងរបួស នៅភ្នំពេញ

ភ្នំពេញៈ កាលពីថ្ងែទី៦ ខែមីនា ឆ្នាំ២០២២ បុរសពីរនាក់ បានព្រួតគ្នា វាយបុរសម្នាក់ បណ្តាលឱ្យរងរបួស ហើយបានត្រូវកម្លាំងនគរបាល ប៉ុស្តិ៍រដ្ឋបាលកាកាបទី១ ឃាត់ខ្លួន ។
ឃាត់ខ្លួនបុរសពីរនាក់នេះ គឺក្រោយពេលបុរស ពីរនាក់នេះ ប្រើអំពេីហិង្សា ទៅលើ បុរសម្នាក់ បណ្តាលអោយរងរបួស កាលពីវេលាម៉ោង ១១ យប់ថ្ងៃទី៥ ខែមីនា ឆ្នាំ២០២២ នៅចំណុចភូមិត្រពាំងល្វា១ សង្កាត់កាកាបទី១ ខណ្ឌពោធិ៍សែនជ័យ ។
បុរសពីរនាក់ ដែលត្រូវឃាត់ខ្លួននេះ ទី១ ឈ្មោះ បូ វណ្ណី អាយុ ៣០ ឆ្នាំ មុខរបរជាងភ្លេីង។ ទី២ ឈ្មោះ បេន ដារ៉ា អាយុ ៣០ ឆ្នាំ មុខរបរជាងជួសជុលទូរស័ព្ទ អ្នកទាំងពីរ ស្នាក់នៅភូមិត្រពាំងល្វា១ សង្កាត់កាកាបទី១ ខណ្ឌពោធិ៍សែនជ័យ។ ចំណែក ជនរងគ្រោះ ឈ្មោះ លាយ ស៊ីនឿន ភេទប្រុស អាយុ ២៨ ឆ្នាំ មុខរបរជាងភ្លេីង ស្នាក់នៅភូមិ ត្រពាំងល្វា១ ជាមួយនឹងជនសង្ស័យ ។
ក្រោយពីទទួលបណ្តឹងរបស់ជនរងគ្រោះភ្លាម សមត្ថកិច្ច ក៏បានចុះទៅនាំខ្លួន ជនសង្ស័យមកសួរនាំ នៅប៉ុស្តិ៍នគរបាលតែម្តង។ ក្រោយពីសួរនាំ ជនសង្ស័យខាងលើ បានសារភាពថា ពួកគេពិតជាបានព្រួតគ្នា វាយជនរងគ្រោះ ពិតប្រាកដមែន ព្រោះតែរឿងផឹកស៊ី។
ជនសង្ស័យ ត្រូវបានសមត្ថកិច្ច ឃាត់ខ្លួន និងបញ្ជូនទៅផ្នែកព្រហ្មទណ្ឌដើម្បីកសាងសំណុំរឿង ចាត់ការបន្ត តាមនីតិវីធីច្បាប់៕