ដោយសារម៉ូតូបើកល្បឿនលឿន បុកនឹងរថយន្ត បើកបរប្ដូរគន្លងបត់ឆ្វេងខ្វះការប្រុងប្រយ័ត្ន បង្កអោយរងរបួសម្នាក់ នៅបន្ទាយមានជ័យ

បន្ទាយមានជ័យ: នៅ ថ្ងៃទី០៨ខែមីនាឆ្នាំ២០២២ នៅចំណុចផ្លូវបំបែកជា៣ ផ្លូវចូលភោជនីយដ្ឋានផ្កាយព្រឹកលើផ្លូវជាតិលេខ៥ស្ថិតនៅភូមិអូរអំបិលសង្កាត់អូរអំបិលក្រុងសិរីសោភ័ណខេត្តបន្ទាយមានជ័យ។
គ្រោះថ្នាក់ចរាចរណ៍មួយបានកើតឡើងរវាងម៉ូតូម៉ាកហុងដាឌ្រីម Honda Dream ពណ៍ខ្មៅសេរីឆ្នាំ២០១៥ ពាក់ស្លាកលេខ សៀមរាប ១H-០០៤៨ បើកបរលឿនក្នុងទិសដៅពីលិចទៅទិសខាងកើត។
ហើយបានបុកជាមួយរថយន្ត ម៉ាក Lexus៣០០ ពណ៍ខ្មៅ ពាក់ស្លាកលេខ ភ្នំពេញ ២C-៨៤៦០ បើកបរទិសដៅពីកើតមកលិចទិសដៅផ្ទុយឬបត់ឆ្វេងចូលផ្លូវបេតុង ។គ្រោះថ្នាក់បណ្តាលអោយ ផ្នែកមនុស្សរងរបួស០១នាក់ប្រុស សម្រាកព្យាបាលនៅមន្ទីពេទ្យឯកជនទេវិន្ទ រក្សាសុខក្រុងសិរីសោភ័ណ ។
សម្ភារៈម៉ូតូ ខូចខាតមធ្យម និង រថយន្តខូចខាតស្រាល យកមករក្សាទុកនៅអធិការដ្ឋាននគរបាលក្រុង ។ មូលហេតុ ត្រូវបានសមត្ថកិច្ចនិងភាគីទាំងពីរ ថា មកពីម៉ូតូបើកបរក្នុងល្បឿនលឿន ។
ចំណែករថយន្ត បើក បរប្ដូគន្លងបត់ឆ្វេងខ្វះការប្រុងប្រយ័ត្ន ៕