បុរសសតិមិនគ្រប់ម្នាក់ចា.ប់.រំ.លោ.ភ.ស្ត្រីវ័យ ចំណាស់មិនបានសម្រេច តែបាន.គំ.រា.ម.ស.ម្លា.ប់

បន្ទាយមានជ័យ: ជននេះក៏ធ្លាប់ធ្វើសកម្មភាពលួចម៉ូតូ និងគាស់ផ្ទះប្រជាពលរដ្ឋក្នុងភូមិកន្លងមកផងនោះក៏ ត្រូវនគរបាលឃាត់ខ្លួនបាននៅរសៀល ថ្ងៃទី១១ ខែមីនា ឆ្នំា២០២២នេះ ហើយនៅរសៀលថ្ងៃទី១២ ខែមីនា ត្រូវបានការិយាល័យជំនាញ នៃស្នងការដ្ឋាននគរបាលខេត្តកសាងសំណុំរឿងបញ្ជូនទៅតុលាការ។
យោងពាក្យបណ្តឹងពីស្ត្រីរងគ្រោះ ឈ្មោះ ដៀប ដុស ភេទស្រី អាយុ៥៥ ឆ្នាំ ជាស្ត្រីមេម៉ាយ មានជំងឺប្រចាំកាយ រស់នៅភូមិ គោកស្វាយ ឃុំភូមិថ្មី ស្រុកថ្មពួក បានប្ដឹងថានៅវេលាម៉ោង៤ទៀបភ្លឺ ថ្ងៃទី៥ ខែមីនាមានឈ្មោះ ឈី សិទ្ធ អាយុ ២៧ ឆ្នាំ ជាមនុស្សមានសតិ មិនពេញលេញ បម្រុងចាប់រំលោភ ពេលគាត់កំពុងដេកលង់លក់ តែបានដឹងខ្លួនទាន់ បានស្រែកឲ្យអ្នកជិតខាងជួយ ។ចំណែក ឈ្មោះសិទ្ធ ក៏បានរត់គេចខ្លួនបាត់។
ប៉ុន្តែរឿងមិនអាចចប់ឬលើកលែងបាន គឺចាប់ពីពេលនោះមក ឈ្មោះសិទ្ធ តែងតែយកកាំបិតគំរាមសម្លាប់ទៅលើជនរងគ្រោះជាបន្តបន្ទាប់ ធ្វើឲ្យជនរង គ្រោះមានការភ័យខ្លាចមិនហ៊ានចូលផ្ទះ ។ហេតុនេះទើបគាត់សម្រេចចិត្ត ដាក់ពាក្យបណ្តឹងសុំឲ្យសមត្ថកិច្ចជួយចាត់ការតាមនីតិវិធីផង ។
ឈ្មោះឈី សិទ្ធ នេះក៏បានសកម្មភាពលួចម៉ូតូជិះទៅផ្លុងចោល គាស់ផ្ទះរបស់ប្រជាពលរដ្ឋ ជាបន្តបន្ទាប់។ ប្រជាពលរដ្ឋមានការភ័យខ្លាច ក៏បានដាក់ពាក្យបណ្តឹងទៅនគរបាលស្រុកថ្មពួក ផងដែរ។ កម្លាំងនគរបាល ក៏បានចុះឃាត់ខ្លួនជនសង្ស័យ បានហើយបញ្ជូនមកស្នងការ។ ការិយាល័យ នគរបាលព្រហ្មទ័ណ្ឌនៃស្នងការដ្ឋានបានរៀបចំសំណុំរឿងបញ្ជូនទៅតុលាការខេត្តនៅថ្ងៃទី១២ ខែមីនាឆ្នាំ ២០២២ ៕