បង្រ្កាបនិងដុតកម្ទេចចោល សាច់ជ្រូកចម្រុះប្រមាណ៦០០គីឡូក្រាម ដែលលួចនាំចូលពីប្រទេសថៃវេចខ្ចប់មិនត្រឹមត្រូវខូចគុណភាព

ខេត្តបាត់ដំបង: កាលពីថ្ងៃទី១១ ខែមីនាឆ្នាំ២០២២ ឃាត់រថយន្តមួយគ្រឿងម៉ាក់ LEXUS RX300ពណ៌ខ្មៅ ពាក់ស្លាកលេខ ព្រះសីហនុ2A-701 5នៅចំណុចក្បែរច្រកទ្វាតអន្តរជាតិដូងក្នុងភូមិ បឹងរាំងឃុំបឹងរាំង ស្រុកកំរៀងខេត្តបាត់ដំបងខណ:ដែលរថយន្តមួយគ្រឿងនេះព្យាយាម បើករត់គេចពីសមត្ថកិច្ចដែលកំពុងបំពេញភារកិច្ចតាមដងផ្លូវ ។
អ្នកបើករថយន្តឈ្មោះរ៉ន ធឿតភេទប្រុសអាយុ៣០ឆ្នាំរស់នៅភូមិព្រែកឆ្តោរ ឃុំ ពាមឯក ស្រុក ឯកភ្នំខេត្តបាត់ដំបង ហើយនៅពេលសមត្ថកិច្ចធ្វើការពិនិត្យក្នុងរថយន្តឃើញមានគ្រឿងក្នុងសាច់ជ្រូកចម្រុះចំនួនប្រមាណ៦០០គីឡូក្រាមខូចគុណភាព។ សាច់ខូចគុណភាពនេះទៅដុតកម្ទេចចោលនៅទីលានចាក់សំរាមស្រុកកំរៀងស្ថិតក្នុងភូមិថ្មីឃុំអូរដាស្រុកកំរៀងខេត្តបាត់ដំបង វេលាម៉ោង១៣និង០០នាទីថ្ងៃដដែល រីឯរថយន្តនិងម្ចាស់បាននាំមកកាន់ការិយាល័យជំនាញ ដើម្បីអនុវត្តតាមផ្លូវច្បាប់ ៕