គ្រោះថ្នាក់ចរាចរណ៍ រវាងឡាននិងឡាន បុកគ្នា បណ្តាលអោយឡានខេមរៈភូមិន្ទខូចខាតទាំងស្រុងផ្ទៃខាងមុខ ទៅលែងរួច…..

សៀមរាប÷ ហេតុការណ៍នេះកើតឡើង នៅវេលាម៉ោង០៦និង៥៥នាទីថ្ងៃទី១៣ខែមីនា ឆ្នាំ២០២២ ត្រង់ចំណុចផ្លូវកូមៃ ភូមិត្រពាំងសេះ សង្កាត់គោកចក ក្រុងនិងខេត្តសៀមរាប។

បុរសម្នាក់បើករថយន្តខេមរភូមិន្ទ06ពាក់ផ្លាកលេខ2-3182ពណ៌ត្រេអ៊ីក្នុងស្ថានភាពល្បឿនលឿនមកដល់ចំណុចកើតហេតុក៏បានវ៉ាឡើងទៅមុខទៅបុកជាមួយនឹងរថយន្តម៉ាកប្រាដូដែលពាក់ស្លាកលេខពោធិ៍សាត់2A0478បណ្ដាលឱ្យខូចខាតយ៉ាងដំណំទៅមុខលែងរួច។

មុនពេលកើតហេតុគេឃើញ រថយន្តខេមរៈភូមិន្ទ១គ្រឿងបើកបរមកពីអង្គរវត្តបម្រុងទៅក្រុងក្នុងស្ថានភាពបើកបរលឿនហើយវ៉ាជែងក៏មកដល់ចំណុចកើតហេតុកន្លែងលក់គំនូរក៏បានវ៉ារថយន្តមួយគ្រឿងហើយទៅប៉ះនឹងរថយន្តប្រាដូយ៉ាងពេញទំហឹងបណ្ដាលឲ្យរថយន្តខេមរភូមិន្ទនោះរងការបែកកង់ខាងឆ្វេងកង់ខាងមុខទៅលែងរួច។

ក្រោយកើតហេតុភាគគីទាំងសងខាងបានធ្វើការចរចាគ្នា ដោយភាគីខាងរថយន្តខេមរៈភូមិន្ទបានព្រមចេញថ្លៃខូចខាតចំនួន១៥០ដុល្លា ឲ្យទៅភាគីរថយន្តប្រាដូម្ខាងទៀតបញ្ចប់រឿង កន្លែងកើតហេតុ ៕