សមត្ថកិច្ចពាក់ស័ក្តិ៥ម្នាក់ បានស្លាប់ ដោយស្ថានភាពរបួសធ្ងន់ពេក ជនរងគ្រោះបានដាច់ខ្យល់ស្លាប់នៅមន្ទីរពេទ្យ

ភ្នំពេញ ៖ នៅ ថ្ងៃសុក្រ ទី១៨ខែមីនា ឆ្នាំ ២០២២នេះ នៅតាមផ្លូវ៣៧១ នៅចំណុចខាងលិចស្ថានីយ៍បូមទឹក ទី២ក្នុងសង្កាត់បឹងទំពន់ទី២ ខណ្ឌមានជ័យ ។ នគរបាលពាក់ស័ក្តិ៥ម្នាក់បានស្លាប់ បន្ទាប់ពីជិះម៉ូតូធំប្រភេទម៉ូតូកាហ្វេ ទៅបុកជាមួយម៉ូតូឌ្រីមសង់ បណ្ដាលឲ្យដួលបោកនឹងថ្នល់ ធ្ងន់ធ្ងរ ត្រូវបានបញ្ជូនទៅសង្គ្រោះនៅមន្ទីរពេទ្យភ្លាមៗ ដោយស្ថានភាពរបួសធ្ងន់ ជនរងគ្រោះបានដាច់ខ្យល់ស្លាប់នៅមន្ទីរពេទ្យ រីឯភាគីខាងម៉ូតូឌ្រីមសង់រងរបួសមធ្យម ។

ករណីនេះ សមត្ថកិច្ចមូលដ្ឋានបានចុះទៅដល់ បាញ់គំនូសយកមធ្យោបាយទាំងពីរឡើងចិញ្ចើមផ្លូវ រងចាំខាងសមត្ថកិច្ចជំនាញ ចុះវាស់វែង យកទៅរក្សាទុកបណ្ដោះអាសន្ន នៅអធិការដ្ឋាននគរបាលខណ្ឌមានជ័យ ។

ជនរងគ្រោះ មានឈ្មោះ អ៊ុក ហឿនម៉ាណា ភេទប្រុស អាយុ៣៣ឆ្នាំ មុខរបរ នគរបាល ឋានន្តរសក្ដិ វរសេនីយ៍ឯក(ស័ក្តិ៥) អង្គភាព គណៈកម្មការ ប្រយុទ្ធប្រឆាំង ផលិតផលក្លែងក្លាយ (គ.ប.ផ.ក) មានស្រុកកំណើត នៅ ឃុំ សុព័រទេពស្រុកច្បារមន ខេត្តកំពង់ស្ពឺ អាស័យដ្ឋានបច្ចុប្បន្នផ្ទះលេខ៦ ផ្លូវ៣៣៦ភូមិ៥សង្កាត់បឹងកក់ទី១ ខណ្ឌទួលគោក ៕