ឃាត់ខ្លួនបុរស០២នាក់ ពីបទលួច កាប់គាស់ទម្លុះទម្លាយ (ប្រើដែកលួសគាស់សោទ្វារផ្ទះ លួចទ្រព្យ សម្បត្តិមិនសម្រេច)

ភ្នំពេញ៖ នៅថ្ងៃទី២១-០៣-២០២២ បុរស០២នាក់ត្រូវបានកម្លាំងជំនាញសមត្ថកិច្ចខណ្ឌច្បារអំពៅឃាត់ខ្លួនពីបទលួចមានស្ថានទម្ងន់ទោសដោយសារការកាប់គាស់ទម្លុះទម្លាយ (ប្រើដែកលួសគាស់សោទ្វារផ្ទះ លួចទ្រព្យ សម្បត្តិមិនសម្រេច) ស្ថិតនៅផ្ទះ៦២ ភូមិជ្រោយបាសាក់ សង្កាត់ព្រែកប្រា ខណ្ឌច្បារអំពៅ។
-ជនរងគ្រោះឈ្មោះវ៉ាន់ ខាវី ភេទ ប្រុស អាយុ២៤ឆ្នាំ ជាតិខ្មែរ មុខរបរលក់ដូរ ស្នាក់ នៅផ្ទះកើតហេតុ។
-ជនសង្ស័យឃាត់ខ្លួន ០២នាក់ ៖
១-ឈ្មោះង្វៀង យ៉ាំងស៊ី ភេទ ប្រុស អាយុ ៥៨ឆ្នាំ ជនជាតិ វៀតណាម មុខរបរ មិនពិត ប្រាកដ ស្នាក់នៅមិនពិតប្រាកដ។
២-ឈ្មោះដេណ ដណ ភេទប្រុស អាយុ៣៥ឆ្នាំ ជនជាតិខ្មែរ មុខរបរ មិនពិត ប្រាកដ ស្នាក់នៅភូមិដើមចាន់ សង្កាត់ច្បារ អំពៅ២ ខណ្ឌច្បារអំពៅ។
មុនពេលកើតហេតុជនរងគ្រោះ ចាក់សោទ្វារផ្ទះ ទៅទិញ បន្លែយកមកលក់ ស្រាប់តែមានជនសង្ស័យ ០២នាក់នេះ យកដែកលួសកែច្នៃឆ្កឹះសោទ្វារផ្ទះជនរងគ្រោះឲ្យរបើក ចូលរកលួចទ្រព្យសម្បត្តិក៏ត្រូវបានជនរងគ្រោះ មកទាន់ឃាត់ខ្លួនជនសង្ស័យ០២នាក់ រួមនិងវត្ថុតាងដង្កាប់០២, កូនកាំបិត ០២, ពិល០១, ដែកលួសកែច្នៃ០២, ដែកចុងស្រួចកែច្នៃ០១, កូនសោ០៣ និងទួរណឺវ៉ីស០៣ ប្រគល់ឲ្យសមត្ថកិច្ច។ លទ្ធផលធ្វើតេស្តិ៍ទឹកនោមជនសង្ស័យ ៖ វិជ្ជមាន (មានសារធាតុញៀន) ៕