នារីម្នាក់ ស្លាប់នៅនឹងកន្លែងកើតហេតុ ដោយសាររថយន្ត បើកជ្រុលទៅបុកម៉ូតូសណ្ដោងរ៉ឺម៉ក ពីក្រោយ

បាត់ដំបងៈ នៅថ្ងៃទី២៣ ខែមីនា ឆ្នាំ២០២២ តាមបណ្តោយផ្លូវលេខ៥៩ ចន្ន្លោះបង្គោលគីឡូម៉ែត្រលេខ ៩៦ និង ៩៧ ត្រង់ចំណុចក្រុមទី៤ ភូមិអូចម្លង ឃុំតាសែន ស្រុកកំរៀង ខេត្តបាត់ដំបង។
នារីរងគ្រោះ ឈ្មោះ ស្រស់ អាយុ២២ឆ្នាំ រស់នៅភូមិដីក្រហម ឃុំតាសែន ស្រុកកំរៀង នៅថ្ងៃកើតហេតុ បានជិះម៉ូតូសណ្តោងរ៉ឺម៉ក ម៉ាក MD ពណ៌ក្រហម ក្នុងទិសដៅពីខាងត្បូង ទៅខាងជើង លុះដល់ចំណុចកើតហេតុ ត្រូវរថយន្តមួយគ្រឿង ម៉ាកស៊ាំយ៉ុង ពាក់ស្លាកលេខ ភ្នំពេញ ២J-៥១៩៧ ដែលធ្វើដំណើរ ក្នុងទិសដៅស្របគ្នា ក្នុងល្បឿនយ៉ាងលឿន ហើយបាត់ការគ្រប់គ្រង បានបុកបំពានលើម៉ូតូ នៅខាងមុខពេញទំហឹង បណ្តាលឲ្យប៉ើងទាំងម៉ូតូ ទាំងម្ចាស់ ស្លាប់ភ្លាមៗ តែម្តង។
ភ្លាមៗ សាច់ញាតិ បានមកទទួលយកសពជនរងគ្រោះ ទៅធ្វើបុណ្យ រីឯវត្ថុតាងទាំងរថយន្ត ទាំងម៉ូតូរក្សាទុក នៅអធិការដ្ឋាននគរបាលស្រុក រង់ចាំកោះហៅម្ចាស់ ចូលខ្លួន មកដោះស្រាយ៕