ឃាត់ខ្លួនស្ត្រីម្នាក់ បានភ្លាមៗ បន្ទាប់ពីស្ត្រីម្នាក់នេះ ធ្វើសកម្មភាពឆក់ខ្សែក ពីក្មេងស្រីម្នាក់ ខណៈដែលក្មេងស្រីរងគ្រោះ កំពុងដើរលេងក្នុងកម្មវិធីបុណ្យ

ខេត្តកំពង់ស្ពឺ៖ កាលពី យប់ថ្ងៃទី២៧ខែមីនាឆ្នាំ២០២២ ស្ត្រីដែលសមត្ថកិច្វឃាត់ខ្លួនបាននោះមានឈ្មោះ ឡូ ទី អាយុ២៧ឆ្នាំ រស់នៅភូមិ តង់ខៀវ ឃុំភ្នំបាត ស្រុកពញាឮ ខេត្ត កណ្តាល បានធ្វើសកម្មភាពឆក់យកខ្សែកពីក្មេងស្រីម្នាក់ឈ្មោះ រ៉េត រាជនី អាយុ ២ខួប៨ខែ ។

នៅមុនពេលកើតហេតុម្តាយក្មេងស្រីរងគ្រោះឈ្មោះ រឿន ស្រីនិច្ច រស់នៅក្នុងភូមិឃុំជាមួយគ្នានឹងឈ្មោះ ស្រីណាក់ អាយុ១២ឆ្នាំត្រូវជាមីងកំពុងពកូនដើរលេងក្នុងកម្មវិធីបុណ្យស្រាប់តែលេចមុខស្ត្រីសង្ស័យខាងលើបានដើរមកជិតហើយក៏ធ្វើសកម្មភាពឆក់យកខ្សែកមាសទម្ងន់៥ជីពីក្មេងស្រីរងគ្រោះតែម្តង ហើយភ្លាមៗនោះក៏មានការភ្ញាក់ផ្អើលឆោឡោឡើង ស្របពេលនៅទីនោះមានកម្លាំងសមត្ថកិច្ចរក្សាសន្តិសុខផងក៏ឃាត់ខ្លួនស្ត្រីជាជនសង្ស័យបានតែម្តង។
ស្ត្រីជាជនសង្ស័យនេះ ត្រូវបានសមត្ថកិច្ចឃាត់ខ្លួនជាក់ស្តែងបញ្ជូនទៅអធិការដ្ឋាននគរបាលស្រុកថ្ពង ដើម្បីកសាងសំណុំរឿងចាត់ការតាមនីតិវិធី ៕