ចាប់អារម្មណ៍គ្រប់គ្នាក្រោយឃើញតារាចម្រៀង ឆន សុវណ្ណារាជ បង្ហាញភាពស្និទ្ធស្នាលជាមួយនារីដ៏ស្រស់ស្អាតម្នាក់

ភ្នំពេញ ៖ កាលពីយប់ថ្ងៃទី ២៧ ខែមីនា ឆ្នាំ ២០២២ តារាចម្រៀងប្រុសលោក ឆន សុវណ្ណារាជ បានបញ្ចេញមុខនារីស្រស់ស្អាតម្នាក់នៅលើគណនីហ្វេសប៊ុករបស់ខ្លួន ដែលធ្វើឲ្យអ្នកគាំទ្រមានការភ្ញាក់ផ្អើលគ្រប់គ្នា។ មិនត្រឹមតែប៉ុណ្ណោះទេលោកថែមទាំងសរសេរសំណេរមួយឃ្លាថា ឆ្លៀតម្នាក់ៗរវល់រៀងខ្លួន មិនបាច់ប្រាប់គេ ។ អ្នកគាំទ្រ និងមហាជនមានការចាប់អារម្មណ៍គ្រប់គ្នាក្រោយឃើញតារាចម្រៀង ឆន សុវណ្ណារាជ បង្ហាញភាពស្និទ្ធស្នាលជាមួយនារីដ៏ស្រស់ស្អាតម្នាក់ទាំងកណ្តាលរាត្រី ថែមទាំងព្រលយពាក្យដ៏គួរឲ្យសង្ស័យទៀតផង។

អ្នកគាំទ្រមានមន្ទិលសង្ស័យថា នារីស្រស់ស្អាតរូបនេះ ប្រហែលជាម្ចាស់បេះដូងរបស់លោក ឆន សុណ្ណារាជ ហើយទើបលោកហ៊ានបញ្ចេញរូបភាពស្និទ្ធស្នាលកៀកកើយបែបនេះ។ ខ្លះទៀតបាននិយាយថា តើរឿងនេះជាការពិត ឬជាទេ?។

ជុំវិញដំណឹងដ៏រសើបនេះ សារព័ត៌មាននៅរសៀលថ្ងៃទី ២៨ ខែមីនា ឆ្នាំ ២០២២ នេះ នៅមិនទាន់អាចស្វែងរកការបកស្រាយពីសាមីខ្លួនលោក ឆន សុវណ្ណារាជ ពាក់ព័ន្ធនិងមន្ទិលសង្ស័យរបស់អ្នកគាំទ្រ និងមហាជនបាននៅឡើយទេ ខណៈមានខ្លះទៀតកំពុងទន្ទឹងរង់ចាំមើលថា តើនារីរូបនោះជាគូស្នេហ៍លោក ឆន សុវណ្ណារាជ ឬយ៉ាងណា?៕