បង្ក្រាបសង្វៀនបញ្ជល់មាន់មួយកន្លែង ចាប់បានតែ…..

ខេត្តកំពត : នៅរសៀលថ្ងៃទី 30 ខែមីនាឆ្នាំ 2022 កម្លាំងអធិការរដ្ឋាននគរបាលក្រុងបូកគោដឹកនាំដោយលោកអធិការរងព្រហ្មទណ្ឌ សេង សៅរ័ត្ន សហការជាមួយកម្លាំងប៉ុស្តិ៍នគរបាលឃុំកោះតូចដឹកនាំដោយលោក គួច ចាន់ស៊ុយ ក្រោមការចង្អុលបង្ហាញពីលោកអធិការ ព្រាប សាមិត្ត
បានចុះបង្ក្រាបសង្វៀនបញ្ជល់មាន់មួយកន្លែង ដែលស្ថិតនៅក្នុងភូមិ ក្ដាត ឃុំកោះតូច ក្រុងបូកគោ ខេត្តកំពត ក្នុងការបង្ក្រាបនេះគឺបង្ក្រាបបានតែសម្ភារៈមួយចំនួនតែប៉ុណ្ណោះចំណែកមនុស្សញៀនល្បែងទាំងនោះហាក់បីដូចជាដឹងខ្លួនមុនបានរត់ចូលព្រៃអស់ បើសិនជាកន្លែងណាសំបូរល្បែងស៊ីសងគឺកន្លែងនោះហើយសំបូរអំពើចោរកម្មគ្រឿងញៀន អំពើហិង្សាក្នុងគ្រួសារ ជួញដូរកុមារនិងស្ត្រី ប្រជាពលរដ្ឋរស់នៅក្នុងភូមិសូមចូលរួមអបអរសាទរចំពោះស្នាដៃរបស់កងកម្លាំងនៃអធិការរដ្ឋានក៏ដូចជាលោកមេប៉ុស្តិ៍ដែលបានអនុវត្តតាមគោលការណ៍របស់រាជរដ្ឋាភិបាលដាក់ជូនទាំង ៧ ចំណុចគឺភូមិឃុំមានសុវត្ថិភាព។ សូមអរគុណដល់កងកម្លាំងទាំងអស់ ដែលបានបង្ក្រាបបទល្មើសនេះ ៕