ស្ទាក់បង្ក្រាបករណីចោរកម្ម(លួចគោចំនួន០៣ក្បាល) នៅកំពង់ធំ

កំពង់ធំ ៖ នៅថ្ងៃទី ២៩ មីនា ២០២២ កម្លាំងនគរបាលស្រុកកំពង់ស្វាយ ដឹកនាំដោយលោក វរសេនីយ៍ទោ កែ កញ្ចនា អធិការ សហការជាមួយកម្លាំងការិយាល័យនគរបាលព្រហ្មទណ្ឌកម្រិតស្រាល ដឹកនាំដោយលោក វរសនីយ៍ឯក ស សុបិន្ត បានធ្វើការពួនស្ទាក់បង្ក្រាបករណីចោរកម្ម(លួចគោចំនួន០៣ក្បាល) នៅចំណុចត្រពាំងសាឃាយ ឃុំត្បែង ស្រុកកំពង់ស្វាយ ខេត្តកំពង់ធំ ឃាត់ខ្លួនជនសង្ស័យចំនួន០៣នាក់ ៖
១.ឈ្មោះ សាត ងួន ហៅរ៉យ ភេទប្រុស អាយុ៦២ឆ្នាំ ទីលំនៅភូមិធ្លក ឃុំចំណាលើ ស្រុកស្ទោង ខេត្តកំពង់ធំ ។
២.ឈ្មោះ យាន ម៉ៃ ភេទប្រុស អាយុ៤១ឆ្នាំ ទីលំនៅភូមិស្រង់ ឃុំចំណាលើ ស្រុកស្ទោង ខេត្តកំពង់ធំ។
៣.ឈ្មោះ ម៉ន ម៉ត់ ភេទប្រុស អាយុ៤៩ឆ្នាំ ទីលំនៅភូមិត្រាំខ្លា ឃុំត្បែង ស្រុកកំពង់ស្វាយ ខេត្តកំពង់ធំ។
ដកហូតចាប់យកវត្ថុតាង គោញី ចំនួន ០៣ ក្បាល និងម៉ូតូ០១គ្រឿង ជាមធ្យោបាយជិះធ្វើសកម្មភាពប្រព្រឹត្តបទល្មើស ៕