យុវជនម្នាក់ស្លាប់ និងម្នាក់ទៀតរងរបួសធ្ងន់ ដោយសាររថយន្តបែនបានបុកម៉ូតូ ពីក្រោយពេញទំហឹង

កែប: កាលពីរសៀលថ្ងៃទី៣០ ខែមីនា ឆ្នាំ២០២២ យុវជនម្នាក់ស្លាប់ និងម្នាក់ទៀតរងរបួសធ្ងន់ ដោយសាររថយន្តបែនបានបុកម៉ូតូពីក្រោយពេញទំហឹងពេលធ្វើដំណើរស្របទិសគ្នា នៅលើកំណាត់ផ្លូវជាតិលេខ៣៣ អាស្ថិតក្នុងភូមិថ្មី សង្កាត់ព្រៃធំ ក្រុងកែប ។
យុវជនដែលបាត់បង់ជីវិតឈ្មោះឡាយ វិច្ឆិកា អាយុ ១៧ឆ្នាំ។ រីឯយុវជនដែលជនរងរបួសឈ្មោះសាំង ពៅដារ៉ា អាយុ ១៩ឆ្នាំ។ ទាំងពីរនាក់រស់នៅភូមិទឹកក្រហម ឃុំកណ្តោល ស្រុកទឹកឈូ ខេត្តកំពត៕