រថយន្តស្ទូចមួយគ្រឿង ខណៈស្ទូចទូកុងតឺន័រចុះពីរថយន្តបាក់ជើងជ្រែង ក៏ក្រឡាប់ផ្ងាជើងសង្កត់ទៅលើរបងថ្ម បណ្តាលឱ្យបាក់ជាច្រើនផ្ទាំង

ភ្នំពេញ ៖ ហេតុការណ៍នេះបានកើតឡើងកាលពីយប់ ថ្ងៃទី៣០ ខែមីនា ឆ្នាំ២០២២ នៅចំណុចផ្លូវបេតុង ភូមិព្រៃបឹង សង្កាត់កន្ទោក ខណ្ឌកំបូល រាជធានីភ្នំពេញ ។
មុនពេលកើតហេតុម្ចាស់ដីឡូត៍បានឱ្យរថយន្តស្ទូចដឹកទូកុងតឺន័រមកដាក់ក្នុងដីឡូត៍ ខណៈកំពុងស្ទូចលើទូចេញពីរថយន្តស្រាប់តែបាក់ជើងជ្រែងមួយចំហៀងធ្វើឱ្យរថយន្តក្រឡាប់សង្កត់លើរបងថ្មបាក់អស់ជាច្រើនផ្ទាំងតែសំណាងមិនមានមនុស្សរងរបួសនោះទេ។ សមត្ថកិច្ចបានចុះមកដល់ចំណុចកើតហេតុពិនិត្យជាក់ស្តែងតែដោយសារតែមិនមានប៉ះពាក់ទ្រព្យសម្បត្តិអ្នកដទៃទើបម្ចាស់ស្ទូចរថយន្តទៅជួសជុលដោយខ្លួនឯង៕