ឃាត់ខ្លួនបុរសម្នាក់ ករណីប្រទូស្តកេរ្តិ៍ខ្មាសក្មេងស្រី អាយុ៣ឆ្នំា

ប៉ៃលិន÷ កាលពី ថ្ងៃទី ៣១ ខែមីនា ឆ្នាំ២០២២ កម្លាំងប៉ុស្តិ៍ស្ទឹងកាច់បានទទួលពាក្យបណ្តឹងពីឈ្មោះ ម៉ៅ សានិត ភេទស្រី អាយុ ២៩ឆ្នាំ(ត្រូវជាម្តាយជនរងគ្រោះ) ក្នុងករណីប្រទូស្តកេរ្តិ៍ខ្មាសក្មេងស្រី ដែលបុរសម្នាក់នោះបានប្រព្រឹត្ត កើតឡើងនៅថ្ងៃទី៣០ ខែមីនា ឆ្នាំ២០២២ ស្ថិតនៅភូមិអណ្តូងថ្ម ឃុំស្ទឹងកាច់ ស្រុកសាលាក្រៅ ខេត្តប៉ៃលិន ។
ជនរងគ្រោះឈ្មោះ វណ្ណ លីតា ភេទស្រី អាយុ ០៣ឆ្នាំ រស់នៅភូមិអណ្តូងថ្ម ឃុំស្ទឹងកាច់ ស្រុកសាលាក្រៅ ខេត្តប៉ៃលិន ។ ជនបង្កឈ្មោះ ហម នី ភេទប្រុស អាយុ ៥៩ឆ្នាំ រស់នៅភូមិអណ្តូងថ្ម ឃុំស្ទឹងកាច់ ស្រុកសាលាក្រៅ ខេត្តប៉ៃលិន។
អំពីរឿងហេតុ៖ ជនបង្កបានធ្វើសកម្មភាពលួងក្មេងស្រីឡើងលើផ្ទះ ដែលជាកន្លែងសម្រាករបស់ខ្លួន ហើយបានធ្វើសកម្មភាពលិឌប្រដាប់ភេទរបស់ជនរងគ្រោះ ហើយម្តាយជនរងគ្រោះក៏បានមកទាន់ និងបានរាយការណ៍មកសមត្ថកិច្ច។
ជនសង្ស័យបានសារភាពថា ខ្លួនពិតជាបានប្រព្រឹត្តដូចការចោទប្រកាន់ខាងលើពិតប្រាកដមែន។ ជនបង្កនេះ ត្រូវបានឃាត់ខ្លួននៅប៉ុស្តិ៍រដ្ឋបាលស្ទឹងកាច់ ដើម្បីសួរនាំ រួចកសាងសំណុំរឿងបញ្ជូនបន្ត ទៅអធិការនគរបាលស្រុកសាលាក្រៅចាត់ការតាមនីតិវិធី ៕