ឃាត់ខ្លួនជនសង្ស័យម្នាក់ ករណី គ្រឿងញៀន ក្រុងសិរីសោភ័ណ

(បន្ទាយមានជ័យ) ៖ ឃាត់ខ្លួនជនសង្ស័យម្នាក់ តាមដីកាបង្គាប់ឲ្យចាប់ខ្លួនរបស់សាលាដំបូងខេត្តបន្ទាយមានជ័យ រកឃើញថ្នាំញៀនមួយចំនួនបន្ថែមទៀត។
ជនសង្ស័យនេះ ឈ្មោះ ធឿង ប៊ុនធាន (ប៊ុនធៀន) ភេទប្រុស អាយុ៣៨ឆ្នាំ ឃាត់ខ្លួនកាលពីម៉ោង១៦.០០នាទី ថ្ងៃទី២៩ ខែមីនា ឆ្នាំ២០២២ នៅបន្ទប់ស្នាក់របស់ជនសង្ស័យ ក្នុងភូមិអូរអំបិល សង្កាត់អូរអំបិល ក្រុងសិរីសោភ័ណ។ ឆែកឆេររកឃើញដបកែឆ្នៃសម្រាប់ជក់ថ្នាំញៀនចំនួន១, ម្សៅក្រាមសថ្លា ចំនួន១០ថង់, សំបកថង់សម្រាប់ច្រកថ្នាំញៀនមួយចំនួន, កូនជញ្ជីងចំនួន១ ។
ឃាត់ជនសង្ស័យចំនួន ០១នាក់ ឈ្មោះ ធឿង ប៊ុនធាន និងដោយមានការសម្របសម្រួលពី លោកកើត វណ្ណារ៉េត ព្រះរាជអាជ្ញាអមសាលាដំបូងខេត្តបន្ទាយមានជ័យ កម្លាំងប្រឆាំងគ្រឿងញៀនបានឆែកឆេរ បន្ទប់ស្នាក់នៅរបស់ជនសង្ស័យបានរកឃើញវត្តុតាងមួយចំនួនផងដែរ។
នគរបាលជំនាញប្រឆាំងគ្រឿងញៀនបាននាំជនសង្ស័យមកការិយាល័យជំនាញដើម្បីធ្វើការសាកសួរ និងបន្តរកមុខសញ្ញាពាក់ព័ន្ធតាមឃាត់ខ្លួនដើម្បីចាត់ការនីតិវិធី ចំណែកជនសង្ស័យនៅថ្ងៃទី៣០ខែមីនានេះ បញ្ជូនទៅសាលាដំបូងខេត្តបន្ទាយមានជ័យចាត់ការតាមផ្លូវច្បាប់៕