ថយន្ត២គ្រឿងបើកបរបញ្ច្រាស់ទិសគ្នា បណ្ដាលអោយបុកគ្នា ប្រជាពលរដ្ឋភ្ញាក់ផ្អើលទាំងកណ្ដាលរាត្រី

ខេត្តបន្ទាយមានជ័យ ៖ ករណីគ្រោះថ្នាក់ចរាចរណ៍ នៅថ្ងៃទី០១ ខែមេសា ឆ្នាំ២០២២ វេលាម៉ោង២២និង២៥នាទីចំណុចមុខយ៉ាំម៉េងតុល លក់ហ្គាស ផ្លូវជាតិលេខ៥៦ ស្ថិតនៅភូមិភ្នំកន្ទួត សង្កាត់កំពង់ស្វាយ ក្រុងសិរីសោភ័ណខេត្តបន្ទាយមានជ័យ មានករណីគ្រោះថ្នាក់ចរាចរណ៍មួយបានកើតឡើងរវាងរថយន្តម៉ាក Ford ពណ៌ទឹកប្រាក់ ពាក់ស្លាកលេខ បាត់ដំបង ២B-១៨០៧ បើកបរក្នុងទិសដៅពីជើងទៅទិសខាងត្បូង ពេលដល់ចំណុចកើតហេតុ បានរ៉េចង្កូត ទៅបុករថយន្តម៉ាក Luxis ៣០០ ពណ៌ស ពាក់ស្លាកលេខ បន្ទាយមានជ័យ ២C-៩៣៩៦ បើកបរពីត្បូងមកជើងបណ្តាលអោយ៖
.អ្នកបើកបរមិនមានរងរបួសទេ។
.ផ្នែកសម្ភារៈរថយន្តខូចខាតធ្ងន់មួយគ្រឿង ម៉ាក Luxis៣០០ ពណ៌ស ពាក់ស្លាកលេខ បន្ទាយមានជ័យ ២C-៩៣៩៦យកមករក្សាទុកនៅអធិការដ្ឋាននគរបាលក្រុង។
ចំណែកឯរថយន្តFord បើករថយន្តរត់គេចពីកន្លែងកើតហេតុបាត់ស្រមោល ។
ប្រភពពីប្រជាពលរដ្ឋដែលឃើញហេតុការណ៍ បង្កឡើងដោយរថយន្តFord បើកបរមិនប្រកាន់ស្តាំសង្ស័យស្រវឹង ៕