ឃាត់ខ្លួនជនសង្ស័យចំនួន៤នាក់ ក្នុងថ្ងៃតែមួយនឹងពីរករណីផ្សេងគ្នា ពាក់ព័ន្ធករណីលួចទ្រព្យសម្បត្តិ

ភ្នំពេញ៖ កាលពី ថ្ងៃទី៣ ខែមេសា ឆ្នាំ២០២២ នៅក្នុងបុរីសឡា ភូមិចោមចៅទី៣ សង្កាត់ចោមចៅទី២ ខណ្ឌពោធិ៍សែនជ័យ មានជនសង្ស័យម្នាក់ ឡើងលើដំបូលផ្ទះចូលលួចអាគុយ០១ ខ្សែភ្លើងមួយដុំ និងទូរស័ព្ទ០១ ពេលនេះជនរងគ្រោះមកទាន់ក៏ស្រែងឆោឡោឡើងនឹងប្រតាយប្រតប់គ្នា ទើបឃាត់បានរួចប្រគល់ជូនសមតកថកិច្ចតែម្តង។
ខ្លួនជនសង្ស័យម្នាក់ ឈ្មោះប៉ិន ឈុនហាក់ ភេទប្រុសអាយុ៣៥ឆ្នាំ មុខរបរកម្មករសំណង់ ស្នាក់បន្ទប់ជួល សង្កាត់ចោមចៅទី២ ខណ្ឌពោធិ៍សែនជ័យ ។ ចំណែកជនរងគ្រោះឈ្មោះគីង សោភ័ណ្ឌ ភេទស្រីអាយុ៥២ឆ្នាំ មុខរបរកាត់ដេរស្នាក់នៅកន្លែងកើតហេតុនេះ។
ករណីទី២ កាលពីវេលាម៉ោង៩និង៣០នាទីព្រឹក ថ្ងៃទី០៣ ខែមេសា ឆ្នាំ២០២២ នៅចំណុចផ្ទះលេខ៦៦៦ ភូមិទួលពង្រ សង្កាត់ចោមចៅទី១ ខណ្ឌពោធិ៍សែនជ័យ មានជនសង្ស័យចំនួន៣នាក់បានឆ្កឹះសោរផ្ទះចូលលួចទូរស័ព្ទនិងសោររថយន្ត ហើយបានគេចខ្លួនទៅសំងំក្នុងបន្ទប់ជួលខ្លួនលេខ៥០២ ដែលនៅជិតផ្ទះជនរងគ្រោះដែរ ពេលដែលជនរងគ្រោះដឹងថាបាត់ទូរស័ព្ទនិងសោររថយន្តក៏បានដើររកតាមបន្ទប់ជួលនីមួយៗ ភ្លាមនោះក៏ឃើញជនសង្ស័យចំនួន៣នាក់ដេកក្នុងបន្ទប់ជួលកំពុងចុចទូរស័ព្ទរបស់ជនរងគ្រោះ ទើបឃាត់សួរនាំនិងរាយការណ៍ទៅសមត្ថកិច្ចឃាត់ខ្លួនតែម្តង។
ជនសង្ស័យទាំង៣ទី១ឈ្មោះទើយ ភូមិផាត់ ភេទអាយុ២៩ឆ្នាំ មុខរបរមិនពិតប្រាកដ ទី២ឈ្មោះឆៃ ណាក់ ភេទប្រុសអាយុ៣០ឆ្នាំ ទី៣ឈ្មោះរិទ្ធ វណ្ណះ ភេទប្រុសអាយុ២៧ឆ្នាំ ស្នាក់សង្កាត់ព្រៃស ខណ្ឌដង្កោ។
ចំណែកជនរងគ្រោះឈ្មោះលឹម វិចិត្រ ភេទប្រុស អាយុ៣៨ឆ្នាំ មុខរបរពេទ្យ ស្នាក់នៅផ្ទះលេខ៦៦៦ ភូមិទួលពង្រ សង្កាត់ចោមចៅទី១ ខណ្ឌពោធិ៍សែនជ័យ។
ជនសង្ស័យបានសារភាពថាខ្លួនពិតជាបានលួចទូរស័ព្ទជនរងគ្រោះពិតប្រាកដមែន។
ជនសង្ស័យទាំងនោះត្រូវបានបញ្ជូនទៅផ្នែកព្រហ្មទណ្ឌ កសាងសំណុំរឿងបញ្ជូនទៅតុលាការ ដើម្បីចាត់ការតាមច្បាប់៕