គ្រោះថ្នាក់ចរាចរណ៍ថ្ងៃនេះ ! ស្លាប់ ១៥នាក់ និងរបួស ១១នាក់

ភ្នំពេញៈ គិតត្រឹមម៉ោង ៤ រសៀល ថ្ងៃទី៤ ខែ មេសា ឆ្នំា២០២២នេះ គ្រោះថ្នាក់ចរាចរណ៍ កើតឡើងចំនួន ១៥លើក ស្លាប់ ១៥នាក់ និង របួសចំនួន ១១នាក់ ដោយក្នុងនោះរបួសធ្ងន់ចំនួន ៧នាក់ និង របួសស្រាល ៤នាក់ ។ គ្រោះថ្នាក់ចរាចរណ៍ កើតនៅរាជធានី ខេត្ត ចំនួន ៩ មានដូចជាៈ ខេត្តកំពង់ ចាម ស្លាប់ ៣នាក់ និងរបួស ១នាក់ , កំពង់ស្ពឺ ស្លាប់ ១នាក់ , កំពត របួស ៣នាក់ , កណ្តាល ស្លាប់ ២នាក់ , ភ្នំពេញ ស្លាប់ ២នាក់ និងរបួស ៤នាក់ , ពោធិសាត់ ស្លាប់ ២នាក់ , ព្រះសីហនុ ស្លាប់ ៥នាក់ , ស្វាយរៀង របួស ១នាក់ និង ខេត្ត កែប របួស ២នាក់។ នេះបើយោងតាមរបាយការណ៍របស់អគ្គស្នងការដ្ឋាននគរបាលជាតិ ៕