បង្ក្រាបឃាត់ខ្លួនជនសង្ស័យ ២នាក់ ពាក់ព័ន្ធករណីលួចម៉ូតូ

ព្រះសីហនុ ៖ នៅថ្ងៃទី១០ ខែមេសា ឆ្នាំ២០២២ ស្ថិតនៅចំណុចស្ពានដែកចំការដូង ក្នុងភូមិអុង ឃុំរាម ស្រុកព្រៃនប់ ខេត្តព្រះសីហនុមានករណីអំពើលួច(លួចម៉ូតូ)១គ្រឿង ។
ក្រោយពីបានធ្វើសកម្មភាពរួច កម្លាំងជំនាញបានធ្វើការស្រាវជ្រាវឈានទៅឃាត់ខ្លួនជនសង្ស័យចំនួន២នាក់ ដើម្បីកសាងសំណុំរឿងតាមនីតិវិធីច្បាប់ ។
ជនសង្ស័យមានឈ្មោះ ១.ឈ្មោះជៀម សុវណ្ណរិទ្ធភេទប្រុស អាយុ៣៧ឆ្នាំ មុខរបរកម្មករសំណង់ មានទីលំនៅភូមិ ព្រែក ក្របៅទី៣ ឃុំព្រែកអំពិល ស្រុក ខ្សាច់កណ្តាល ខេត្តកណ្តាល ។ ២.ឈ្មោះ អ៊ុ ប៊ុនធឿន (ហៅអាជៀម) ភេទប្រុស អាយុ៣៦ឆ្នាំ មុខរបរមិនពិតប្រាកដមានទីលំនៅភូមិ អុង ឃុំ រាម ស្រុកព្រៃនប់ ខេត្តព្រះសីហនុបានធ្វើសកម្មភាពលួចម៉ូតូ០១គ្រឿងម៉ាកស្កុពី ពណ៌ស ពាក់ស្លាកលេខ ព្រះសីហនុ១i.៣០៩៦ ខណៈម្ចាស់បានទុកម៉ូតូនៅមុខផ្ទះ៕