ឃាត់ចោរលួចកាត់ខ្សែភ្លើងម្នាក់ នៅភ្នំពេញ

ភ្នំពេញ៖ កាលពីថ្ងៃទី១៧ ខែមេសា ឆ្នាំ២០២២ ជនរងគ្រោះ ខណៈកំពុងដើរត្រួតពិនិត្យមើលក្នុងការដ្ឋានសំណង់ផ្ទះល្វែង ដែលកំពុងសាងសង់នៅចំណុចផ្លូវ៦០ម៉ែត្រ ភូមិទួលរកា២ សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ ពេលនោះក៏ប្រទះឃើញជនសង្ស័យម្នាក់កំពុងតែអង្គុយកាត់ខ្សែភ្លើងជនរងគ្រោះប្រវែងចំនួន៩ម៉ែត្រ ដោយកាត់ជាកង់ៗ ដែលជនសង្ស័យលួចយកពីបង្គោលភ្លើងក្នុងការដ្ឋានសំណង់ផ្ទះល្វែងរបស់ជនរងគ្រោះ ភ្លាមនោះជនរងគ្រោះបានឃាត់ខ្លួន យកមកប្រគល់ឲ្យសមត្ថកិច្ចប៉ុស្តិ៍នគរបាលចាក់អង្រែក្រោមធ្វើការសាកសួរ ហើយជនរងគ្រោះបានដាក់ពាក្យបណ្ដឹងនៅស្នាក់ការនគរបាលប៉ុស្តិ៍ឲ្យចាត់ការតាមផ្លូវច្បាប់តែម្តង។
ជនសង្ស័យឈ្មោះ អ៊ុយ ចានសុភ័ក្រ ហៅ ភ័ក្រ ភេទប្រុស អាយុ២៣ឆ្នាំ ជនជាតិខ្មែរ ទីលំនៅផ្ទលេខ០១៣ ផ្លូវលំ ក្រុម១ ភូមិព្រែកតាឡុង១ សង្កាត់ចាក់អង្រែក្រោម ខណ្ឌ មានជ័យ រាជធានីភ្នំពេញ មុខរបរ មិនពិតប្រាកដ និងមានផ្ទុកសារធាតុញៀន។
ជនរងគ្រោះឈ្មោះ ហែម វុឌ្ឍិ ភេទប្រុស អាយុ២៧ឆ្នាំ ជនជាតិខ្មែរ ស្នាក់នៅក្នុងការដ្ឋានសំណង់ផ្ទះល្វែង ផ្លូវ៦០ម៉ែត្រ ភូមិ ទួលរកា២ សង្កាត់ ចាក់អង្រែក្រោម ខណ្ឌ មានជ័យ រាជធានីភ្នំពេញ មុខរបរ មេការសំណង់។
វត្ថុតាងចាប់យកបានរួមមាន៖ កន្ត្រៃកាត់ខ្សែភ្លើង ដងពណ៌ទឹកក្រូចចំនួន០១, ដង្កាប់ ដងពណ៌បៃតងចំនួន០១, ទុលល្វីសចំនួន០១, កាំបិតបុ័ងតោដងឈើចំនួន ០១ របស់ជនសង្ស័យ និងខ្សែភ្លើង ពណ៌ខ្មៅ ប្រវែង ០៩ម៉ែត្រ របស់ជនរងគ្រោះ។ ជនសង្ស័យត្រូវបានឃាត់ខ្លួននៅអធិការដ្ឋាននគរបាលខណ្ឌមានជ័យ ដើម្បីកសាងសំណុំរឿងចាត់តាមនីតិវិធី៕