បុរសពីរនាក់ ជិះម៉ូតូ ជ្រុលទៅបុករថយន្តស្តារិចពីក្រោយ បណ្ដាលឱ្យដួលបោកនឹងថ្នល់ រងរបួសធ្ងន់

ភ្នំពេញ៖ កាលពី ថ្ងៃទី ១៩ ខែមេសា ឆ្នាំ ២០២២ នៅលើស្ពានអាកាសផ្សារដីហុយ តាមបណ្តោយមហាវិថីសហព័ន្ធរុស្ស៊ី ស្ថិតក្នុងសង្កាត់អូរបែកក្អម ខណ្ឌសែនសុខ រាជធានីភ្នំពេញ។

មុនកើតហេតុគេឃើញរថយន្តស្តារិច ពណ៌ខ្មៅ ពាក់ស្លាកលេខភ្នំពេញ2H-8347ធ្វើដំណើរទិសដៅពីលិចទៅកើតឡើងលើស្ពានអាកាសផ្សារដីហុយ លុះមកដល់ចំណុចកើតហេតុខាងលើក៏មានម៉ូតូមួយគ្រឿងម៉ាកហុងដាស្គូពី ពណ៌ក្រហម ពាក់ស្លាកលេខភ្នំពេញ1IV-9415 ជិះដោយបុរសពីរនាក់ធ្វើដំណើរស្របគ្នាមកពីក្រោយក្នុងល្បឿនលឿនមិនប្រយ័ត្នបានជ្រុលទៅបុករថយន្តពីក្រោយពេញទំហឹងបណ្ដាលឱ្យម៉ូតូនោះដួលបោកទៅនឹងថ្នល់រងរបួសធ្ងន់ ហើយបន្ទាប់មកគេឃើញរថយន្តសង្គ្រោះបន្ទាន់បានដឹកជនរងគ្រោះយកទៅមន្ទីរពេទ្យភ្លាមៗ។ ចំណែកម៉ូតូនិងរថយន្ដរងការខូចខាតយ៉ាងដំណំ។ សមត្ថកិច្ចជំនាញចុះមកធ្វើការវាស់វែងយកម៉ូតូនិងរថយន្តទៅរក្សាទុករង់ចាំធ្វើការដោះស្រាយគ្នាតាមផ្លូវច្បាប់៕