មុនសញ្ញាចែកចាយគ្រឿងញៀន ២នាក់ ត្រូវបានកម្លាំងនគរបាលខេត្តព្រះសីហនុ ឃាត់ខ្លួន

ខេត្តព្រះសីហនុ៖ ជនសង្ស័យទាំង០២នាក់៖ ទី១-ឈ្មោះ ង៉ែត សម្បត្តិ ភេទប្រុស អាយុ៣៨ ឆ្នាំមុខរបរចាប់ក្តាម មានទីលំនៅភូមិបឹងតាស្រី ឃុំបឹងតាព្រហ្ម ស្រុកព្រៃនប់ ខេត្តព្រះសីហនុ (ដកហូតថ្នាំញៀនបានចំនួន០៣កញ្ចប់) ។ និងទី២-ឈ្មោះ យ៉ា លី ភេទប្រុស អាយុ៣៧ ឆ្នាំមានមុខរបរចាប់ក្តាម មានទីលំនៅភូមិបឹងតាស្រី ឃុំបឹងតាព្រហ្ម ស្រុកព្រៃនប់ ខេត្តព្រះសីហនុ (ដកហូតថ្នាំញៀនចំនួន០១កញ្ចប់) ។
ដោយមានការដឹកនាំបញ្ជាពីសំណាក់ លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ កម្លាំងជំនាញអធិការដ្ឋាននគរបាលស្រុកព្រៃនប់ បានសហការជាមួយកម្លាំងប៉ុស្តិ៍រដ្ឋបាលឃុំបឹងតាព្រហ្ម បានធ្វើការចុះបង្រ្កាបគ្រឿងញៀន០១ករណី ដោយឃាត់ខ្លួនជនសង្ស័យបានចំនួន០២នាក់ នៅវេលាម៉ោង១២និង៣០នាទីរសៀលថ្ងៃអង្គារ ទី១៩ ខែមេសា ឆ្នាំ២០២២ ត្រង់ចំណុចម៉ាអ៊ូរ ស្ថិតក្នុងភូមិបឹងតាស្រី ឃុំបឹងតាព្រហ្ម ស្រុកព្រៃនប់ ខេត្តព្រះសីហនុ ។
ដកហូតវត្ថុតាងរួមមាន៖ ម្សៅក្រាមសថ្លាសង្ស័យសារធាតុញៀនចំនួន០៤កញ្ចប់ និងទូរស័ព្ទដៃចំនួន០២គ្រឿង ។ កម្លាំងជំនាញកំពុងកសាងសំណុំរឿងតាមនីតិវិធី និងចាត់ការតាមផ្លូវច្បាប់៕