ស្រវឹងស្រានាំគ្នាចុះហែលទឹកស្រះលង់ស្លាប់ម្នាក់ សង្គ្រោះបានម្នាក់ នៅស្វាយរៀង

(ស្វាយរៀង)៖ បុរសកម្មករោងចក្រម្នាក់ ស្រវឹងស្រាជោគជាំចុះហែលទឹកស្រះលេងជាមួយមិត្តភក្តិដែលផឹកស៊ីជាមួយគ្នាបណ្ដាលឲ្យលង់ស្លាប់ម្នាក់និងសង្គ្រោះទាន់ពេលម្នាក់បង្កការភ្ញាក់ផ្អើលដល់អ្នកភូមិរាយការណ៍មកសមត្ថកិច្ចមូលដ្ឋាន។

ហេតុការណ៍នេះបានកើតឡើងកាលពីវេលាម៉ោង៤និង១០នាទី ល្ងាច ថ្ងៃទី២១ ខែមេសា ឆ្នំា២០២២នេះ នៅចំណុចភូមិទួលអំពិល សង្កាត់ច្រកម្ទេស ក្រុងបាវិត ខេត្តស្វាយរៀង ។
សមត្ថកិច្ចនគរបាលក្រុងបានឲ្យដឹងថាបុរសនេះ មានឈ្មោះ ប៉ាង សំណាង អាយុ២៦ ឆ្នាំ ជនជាតិខ្មែរ មុខរបរកម្មករោងចក្រ មានទីលំនៅភូមិព្រៃធំ ឃុំព្រៃធំ ស្រុកកំពង់រោទ៍ ខេត្តស្ខាយរៀង ។នៅមុនកើតហេតុគេឃើញបុរសខាងលើបានផឹកស៊ីជាមួយមិត្តភក្តិជាច្រើននាក់រហូតដល់ស្រវឹងហើយក៏នឹកចង់ហែលទឹកលេងនៅស្រះ។
ប្រភពបន្តថាក្រោយមកបុរសឈ្មោះ ប៉ាង សំណាង ក៏ចុះទៅហែលទឹកស្រះទាំងអាការៈស្រវឹងជាមួយស្ត្រីម្នាក់ដែលផឹកស៊ីជាមួយ ខណៈនោះស្រាប់តែលង់ទឹកបង្កការភ្ញាក់ផ្អើលដល់អ្នកភូមិជួយអន្តរាគមន៍ស្ទុះទៅជួយលើកស្ត្រីជួយសង្គ្រោះទាន់ចេញពីស្រះប៉ុន្តែបុរសដែលស្រវឹងស្រានោះមិនអាចជួយទាន់ពេលបានត្រឹមតែសោកស្ដាយប៉ុណ្ណោះ។ រហូតដល់ព្រឹកថ្ងៃទី២២ខែមេសាឆ្នាំ២០២២ទើបរកឃើញសាកសពបុរសនេះ សមត្ថកិច្ចធ្វើកំណត់ហេតុនិងបានប្រគល់ឲ្យគ្រួសារធ្វើបុណ្យតាមប្រពៃណី៕