សពបុរសម្នាក់ មានសភាពហើមស្អុយ ត្រូវបានប្រជាពលរដ្ឋ ប្រទះឃើញអណ្តែតទឹក

ភ្នំពេញៈ កាលពីថ្ងៃទី២២ ខែមេសា ឆ្នំា២០២២នេះ សពបុរសម្នាក់ មានសភាពហើមស្អុយ ត្រូវបានប្រជាពលរដ្ឋ ប្រទះឃើញអណ្តែតទឹក មកកល់ជាប់នឹងកប៉ាល់ទេសចរណ៍មួយគ្រឿង នៅមាត់ច្រាំងទន្លេ ស្ថិតក្នុងភូមិឃ្លាំងសាំង សង្កាត់ឫស្សីកែវ ខណ្ឌឫស្សីកែវ ។
សពបុរសខាងលើ មានវ័យប្រហែលជាង ៣០ ឆ្នាំ ស្លៀកខោ ខូវប៊យជើងវែង ពណ៌ប្រផេះ អាវយឺតខ្មៅដៃខ្លី និងអាវក្រឡាការ៉ូក្រហមខ្មៅ។
គួររំលឹកថា កាលពីថ្ងៃទី១៨ មេសា ២០២២ វេលាម៉ោង ១២ ថ្ងៃត្រង់ លើស្ពានជ្រោយចង្វារថ្មី ស្ថិតក្នុងសង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ មានករណី បុរសម្នាក់ ជិះម៉ូតូមួយគ្រឿង ម៉ាកហុងដា សេ១១០ សង់ប៊ិច ពណ៌ខ្មៅ ពាក់ស្លាកលេខ សៀមរាប 1M-0305 មកលោតទឹកបានសម្រេច បន្សល់ទុកម៉ូតូ នៅនឹងកន្លែងកើតហេតុ ហើយត្រូវសមត្ថកិច្ច យកម៉ូតូទៅរក្សាទុក នៅប៉ុស្តិ៍នគរបាល ជ្រោយចង្វារ ។ សពត្រូវបានសមត្ថកិច្ច រៀបចំឯកសារ ស្វែងរកសាច់ញាតិ មកទទួលយកទៅធ្វើបុណ្យ តាមប្រពៃណី៕