រន្ធត់ណាស់ ! គូស្នេហ៍១គូ ទើបនឹងស្រឡាញ់គ្នា ត្រូវមច្ចុរាជតាមដងផ្លូវឆក់យកជីវិតខាងស្រី ហើយ ខាងប្រុសរួចផុតពីសេចក្តីស្លាប់

រន្ធត់ណាស់ ! គូស្នេហ៍១គូ ទើបនឹងស្រឡាញ់គ្នា ត្រូវមច្ចុរាជតាមដងផ្លូវឆក់យកជីវិតខាងស្រី ហើយ ខាងប្រុសរួចផុតពីសេចក្តីស្លាប់

ភ្នំពេញ : ហេតុការណ៍ដ៏សង្វេគនេះ កើតឡើងកាលពី រសៀល ថ្ងៃទី៣០ ខែតុលា ឆ្នាំ២០២២ ស្ថិតតាមបណ្តោយផ្លូវភ្នំពេញហាណូយ ក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។

រន្ធត់ណាស់ ! ជីវិតសត្វលោកពិតជាមិនទៀងឡើយ មួយពព្រិចភ្នែកសោះ គូស្នេហ៍១គូរទើបនឹងស្រឡាញ់គ្នា ត្រូវមច្ចុរាជតាមដងផ្លូវឆក់យកជីវិតខាងស្រី ហើយ ខាងប្រុសរួចផុតពីសេចក្តីស្លាប់ ខណៈទើបលួចប្រតិព័ទ្ធស្រឡាញ់គ្នា បានត្រឹម១០ ថ្ងៃ ក៏ចំណាយពេលវេលាដឹកដើរលេងជុំគ្នា ដើម្បីកម្សាន្តលំហែកាយ តែជួបគ្រោះចង្រៃ ឡានបុកស្លាប់យ៉ាងអណោចអធ័ម ។ នារីម្នាក់ ជាកម្មការិនីកាត់ដេរ ត្រូវរថយន្តដឹកទឹកសុទ្ធ មួយគ្រឿង កិនបែកក្បាលស្លាប់នៅកន្លែង ខណៈពេលដែលជិះម៉ូតូជាមួយបុរសម្នាក់ ទើបតែស្គាល់គ្នា តាមហ្វេសប៊ុក ហើយបានណាត់ជួបគ្នា។

នារីរងគ្រោះ ឈ្មោះ សួង ស្រីកែវ អាយុ ២២ឆ្នាំ ជាកម្មការិនីកាត់ដេរ នៅរោងចក្រ ជាវ័យ មានស្រុកកំណើត នៅភូមិវាលស្បូវ ឃុំអំពិលទឹក ស្រុកកំពង់ត្រឡាច ខេត្តកំពង់ឆ្នាំង។ ចំណែករថយន្ត បង្កគ្រោះថ្នាក់ ម៉ាក ISUZU ពាក់ស្លាកលេខភ្នំពេញ 2BE.7160 ជារថយន្តដឹកទឹកសុទ្ធរបស់ក្រុមហ៊ុន EVA បើកបរ ដោយបុរសម្នាក់ ត្រូវបានសមត្ថកិច្ចឃាត់ខ្លួន តែពុំបានប្រាប់អោយស្គាល់អត្តសញ្ញាណឡើយ។

នៅមុនពេលកើតហេតុ គេឃើញ នារីរងគ្រោះ រួមដំណើរជាមួយបុរសម្នាក់ ជិះម៉ូតូម៉ាក ស្តុបពីពណ៌សមួយគ្រឿង ពាក់ស្លាកលេខ កណ្តាល 1Z.5229 មួយគ្រឿង បានធ្វើដំណើរតាមផ្លូវភ្នំពេញហាណូយ ក្នុងទិសដៅពីត្បូងទៅជើង។ នៅពេលធ្វើដំណើរមកដល់ចំណុចកើតហេតុ ត្រូវរថយន្តមួយគ្រឿងខាងលើ ធ្វើដំណើរ តាមផ្លូវលេខ ១៩៦៦ ពីកើតទៅលិចបើកឆ្លងផ្លូវ ក៏បានបុកម៉ូតូជនរងគ្រោះ ហើយកិននារីរងគ្រោះបែកក្បាល ស្លា.ប់ នៅកន្លែងតែម្តង។ បន្ទាប់ពីកើតមានគ្រោះថ្នាក់រថយន្តបានព្យាយាមបើកគេចហើយ ត្រូវបានកម្លាំងសណ្តាប់ខណ្ឌសែនសុខ ឃាត់បាន។

ព័ត៌មាន អោយដឹងថា នារីរងគ្រោះ ព្រមទាំងបុរសម្នាក់ បានមានទំនាក់ទំនងស្គាល់តាមរយៈ ហ្វេសប៊ុក បានប្រមាណ ១០ថ្ងៃហើយ ពួកគេទាំង ២នាក់ ក៏បានណាត់ជួបគ្នា ជាលើកដំបូង និងជិះម៉ូតូជាមួយគ្នា ក៏ជួបគ្រោះថ្នាក់ ត្រូវរថយន្តបុក និងកិនស្លាប់តែម្តង៕