គ្រោះថ្នាក់ចរាចរណ៍ បុគ្គលិកម្នាក់ ឡើងបញ្ឆេះរថយន្ត ស្រាប់តែជាប់លេខជ្រុលបុកទ្វារដែក និងម៉ូតូ បណ្តាលឲ្យរងរបួសស្រ្តីម្នាក់ រួចធ្លាក់ចូលប្រឡាយ

គ្រោះថ្នាក់ចរាចរណ៍ បុគ្គលិកម្នាក់ ឡើងបញ្ឆេះរថយន្ត ស្រាប់តែជាប់លេខជ្រុលបុកទ្វារដែក និងម៉ូតូ បណ្តាលឲ្យរងរបួសស្រ្តីម្នាក់ រួចធ្លាក់ចូលប្រឡាយ

ភ្នំពេញ:  កាលពី ថ្ងៃទី១២ ខែវិច្ឆិកា ឆ្នាំ២០២២ ទីតាំងកន្លែងកើតហេតុ ស្ថិតនៅតាមបណ្ដោយផ្លូវបេតុង ភូមិចាក់ជ្រូក សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ ។

ដំបូងបុគ្គលិកដែលធ្វើការនៅក្នុងសាលារៀន ហ្រ្គីន ហូម ខាងលើ បានយកសោទៅបញ្ឆេះរថយន្តម៉ាកសាំយ៉ុង ពាក់ស្លាកលេខ ភ្នំពេញ 2T-2010 កំពុងតែបញ្ឆេះនោះសង្ស័យរថយន្តជាប់លេខ ក៏ជ្រុលទៅបុកទ្វារដែកបាក់អស់២ផ្ទាំង ថែមទាំងជ្រុលទៅបុកម៉ូតូម៉ាកហុងដាវ៉េវ ពាក់ស្លាកលេខ តាកែវ 1X-2519 បណ្តាលឲ្យស្រ្តីម្នាក់រងរបួសបញ្ជូនទៅសង្រ្គោះភ្លាមៗ មិនទាន់អស់ល្បឿនក៏ជ្រុលទៅធ្លាក់ចូលក្នុងប្រឡាយទឹក ទើបអស់ល្បឿនទៅមុខលែងរួច ។

សមត្ថកិច្ច បានចុះដល់ទីតាំងនិងឲ្យភាគីទាំងសងខាង ធ្វើការសម្របសម្រួលគ្នា ៕