ជនសង្ស័យជាជនជាតិវៀតណាម ២នាក់ សមត្ថកិច្ចបង្ក្រាបករណីឆ្លងដែននេសាទ ដោយខុសច្បាប់ និងបានដកហូតសម្ភារៈមួយចំនួន  នៅស្វាយរៀង

ជនសង្ស័យជាជនជាតិវៀតណាម ២នាក់ សមត្ថកិច្ចបង្ក្រាបករណីឆ្លងដែននេសាទ ដោយខុសច្បាប់ និងបានដកហូតសម្ភារៈមួយចំនួន  នៅស្វាយរៀង

ខេត្តស្វាយរៀង:  កាលពី ថ្ងៃទី២២ ខែវិច្ឆិកា ឆ្នាំ២០២២ នៅចំណុចខាងលិចស្ពានគយត្របែក ស្ថិតក្នុងភូមិរោងបន្លែ សង្កាត់ស្វាយរៀង ក្រុងស្វាយរៀង។

បង្ក្រាបនេះដឹកនាំដោយលោកស្រេង គ្រី នាយខណ្ឌជលផលខេត្ត សហការជាមួយកម្លាំង កងរាជអាវុធហត្ថក្រុងនិងកម្លាំងនគរបាល ឃាត់បានជនសង្ស័យជនជាតិវៀតណាមចំនួន២នាក់ មានឈ្មោះ វ៉ាន់ តាំង ភេទប្រុស អាយុ៣២ឆ្នាំ និងឈ្មោះ ឡេ វុាំងយឿង ភេទប្រុស អាយុ៣៣ឆ្នាំ  អ្នកទាំង២រស់នៅភូមិវៀងយឹងហឹង ឃុំសាតាង ស្រុកបេនកូវ ខេត្តឡុងអាង។

ចំណែកសម្ភារវត្ថុតាងដែលដកហូតរួមមាន៖ ទូកជ័រស្មាច់ ចំនួន២គ្រឿងម៉ាស៊ីនសាំងចំនួន២គ្រឿងសន្ទូចប្រវែង១២០០ម៉ែត្រ នុយអប់ត្រី ១គីឡូក្រាម ស្នចាក់ត្រី០១ និងអាគុយម៉ាកPinaco ៧០V ១គ្រឿង។  ជនសង្ស័យទាំង២នាក់ដែលជាជនជាតិវៀតណាម ត្រូវបានឃាត់ខ្លួនមកសាកសួរនៅរដ្ឋបាលខណ្ឌជលផល ខេត្តដើម្បីចាត់ការបន្តតាមច្បាប់៕