ស្ត្រីជាអ្នកលក់អនឡាញម្នាក់ ហើយម្ចាស់រថយន្តបោះពាក្យ សម្ដីថា បុ.ក.មនុស្ស.ស្លា.ប់.ម្នាក់ សងប៉ុន្មាន?

ភ្នំពេញ ៖ កាលពីយប់ថ្ងៃទី១១ ខែកុម្ភៈ ឆ្នាំ២០២៤ នៅចំណុចសួនច្បារវត្តបទុមវតី ផ្លូវសុធារស កែងផ្លូវ២៦៦ សង្កាត់ចតុមុខ ខណ្ឌដូនពេញ រាជធានីភ្នំពេញ ។
រថយន្តបង្កម៉ាកឡិចស៊ីស Nx 200t ពាក់ស្លាកលេខ ភ្នំពេញ 2BE-9557 បើកបរដោយស្ត្រីម្នាក់ក្នុង ស្ថានភាពស្រវឹងជោកជាំ ។
មុនពេលកើតហេតុ មានម៉ូតូកង់បីឥណ្ឌាមួយគ្រឿង ពណ៌ស បើកបរដោយបុរសចំណាស់ម្នាក់ ធ្វើដំណើរតាបណ្ដោយផ្លូវសុធារស ក្នុងទិសដៅពីត្បូងទៅជើង និងម៉ូតូមួយគ្រឿងទៀត ម៉ាកហុងដា PCX ពណ៌ស ពាក់ស្លាកលេខ ភ្នំពេញ 1GF-3515 បើកបរដោយបុរសចំណាស់ម្នាក់ដូចគ្នា ធ្វើដំណើរបញ្ច្រាសទិសគ្នា ជមួយម៉ូតូកង់បី ។
តាមប្រភពដដែលបានបន្តថា ស្របពេលនោះ ក៏មានរថយន្តបង្កនេះ ធ្វើដំណើរតាមបណ្ដោយផ្លូវ២៦៦ ក្នុងទិសដៅពីលិចទៅកើត ឆ្លងកាត់ទទឹងផ្លូវ មកក្នុងល្បឿនលឿន ក៏បុ.ករះម៉ូតូ និងម៉ូតូកង់បី បណ្ដាលឱ្យក្រឡា.ប់ផ្ងារជើង រងរបួសមនុស្សដេករដូករណែល ហើយរថយន្តមិនទាន់អស់ល្បឿនក៏បន្តឡើងខឿនសួនច្បារ បុ.ករះធុងសំរាម និងបង់ថ្មអង្គុយលេងលើសួន ទើបរថយន្តអស់ល្បឿនទៅមុខលែងរួច ។ បន្ទាប់ពីបង្កហេតុរួច ម្ចាស់រថយន្តមិនបានចុះមកមើលជនរងគ្រោះ ទេ លុះពេលចេញពីរថយន្តមកបានបោះពាក្យសម្ដីថា «បុ.កមនុស្សស្លា.ប់ម្នាក់ សងប៉ុន្មាន?» ។ គ្រាន់ តែឮដូច្នេះ ប្រជាពលរដ្ឋនៅកន្លែងកើតហេតុបានផ្ទុះកំហឹងយ៉ាងខ្លាំង នឹងពាក្យសម្ដីរបស់ម្ចាស់រថយន្ត បម្រុងនឹងស្វាគមន៍ម្នាក់មួយដៃ មួយជើងទៅហើយ ប៉ុន្ដែដោយនឹកឃើញថាជាមនុស្សស្រី បើសិនជាមនុស្សប្រុសវិញ ប្រហែលសមត្ថកិច្ចនៅក្បែរកន្លែងកើតហេតុ ក៏អន្តរាគមន៍ជួយមិនទាន់ដែរ។
ឃាត់ខ្លួនស្ត្រីអ្នកបើកបររថយន្តបង្កខាងលើមានឈ្មោះ តាំង គីមឡា មុខរបរបកប្រែភាសាចិន និងលក់ផលិតផលតាមអនឡាញ មានទីលំនៅផ្ទះលេខ 21BEo ផ្លូវលេខ២៧៦ សង្កាត់បឹងកេងកងទី២ ខណ្ឌចំការមន រាជធានីភ្នំពេញ ។ មូលហេតុគ្រោះថ្នាក់ចរា ចរណ៍នេះមកពីអ្នកបើកបររថយន្តចេញពីផ្លូវមានស្លាកសញ្ញាឈប់ និងបើកបរមានជាតិអាកុលកម្រិត 0.88mg/L ៕