បុរសម្នាក់ ស្រវឹងស្រាជិះម៉ូតូលឿន ខណៈមកដល់ចំណុចផ្លូវកោងជ្រុលទៅបុករបាំងថ្មពុះចែកទ្រូងផ្លូវ បណ្ដាលឱ្យម៉ូតូដាច់កង់មុខ និងមនុស្សរងរបួស

ភ្នំពេញ៖ កាលពី ថ្ងៃទី២២ខែតុលាឆ្នាំ២០២៤ជិតស្តុបចំការមនផ្លូវសុធារស សង្កាត់ទន្លេបាសាក់ ខណ្ឌចំការមន។
បុរសម្នាក់ស្រវឹងស្រាជិះម៉ូតូលឿនខណៈមកដល់ចំណុចផ្លូវកោងជ្រុលទៅបុករបាំងថ្មពុះចែកទ្រូងផ្លូវយ៉ាងពេញទំហឹងបណ្ដាលឱ្យម៉ូតូដាច់កង់មុខនិងមនុស្សរងរបួស។

មុនពេលកេីតហេតុគេបានឃើញបុរសម្នាក់បានជិះម៉ូតូម៉ាកហុងដាឌ្រីម ស៊េរីឆ្នាំ២០២២ ពណ៌ក្រហម ពាក់ស្លាកលេខភ្នំពេញ 1FK-8297 ដោយជិះតាមបណ្ដោយផ្លូវសុធារសក្នុងទិសដៅពី ជេីងទៅត្បូងក្នុងល្បឿនលឿនហើយស្រវឹង លុះមកដល់ចំនុចកេីតហេតុដែលជាផ្លូវកោង អ្នកបេីកកាច់ចង្កូតមិនទាន់ ក៏ជ្រុលទៅបុករបាំងថ្មពុះចែកទ្រូងផ្លូវយ៉ាងពេញទំហឹង បណ្តាលអោយម៉ូតូដួលអូសជាច្រើនម៉ែត្រ រងការខូចខាតដាច់កង់មុខ ព្រមទាំងធ្វើអោយបុរសជាអ្នកបេីកម៉ូតូរងរបួសបែកមុខបែកមាត់ហូរឈាមត្រូវបានបងប្អូនប្រជាពលរដ្ឋដឹកតាមម៉ូតូកង់បីយកទៅសង្គ្រោះនៅមន្ទីរពេទ្យផងដែរ ។
ក្រោយពេលកេីតហេតុនៅសល់តែម៉ូតូដែលរងការខូចខាតត្រូវបានសមត្ថកិច្ចយកទៅរក្សាទុកនៅផ្នែកជំនាញនៃអធិការដ្ឋាននគរបាលខណ្ឌចំការមន រង់ចាំប្រគល់ឲ្យម្ចាស់វិញ ៕