ឃា//ត់ខ្លួនជនបរទេស ៣នាក់ និងរំដោះជនរងគ្រោះ២នាក់ ស//ង្ស័យករណីចាប់ជំរិ//ត ចំនុចក្បែរ អាហារដ្ឋានយីហោ ជំនោជើងភ្នំឧដុង្គ ក្នុងភូមិសាស្រ្តភូមិចេតិយថ្មី ឃុំវិហារលួង ស្រុកពញាឮ

កណ្តាល ៖ កាលពី រសៀលថ្ងៃទី២២ ខែតុលា ឆ្នាំ២០២៤ ចំនុចក្បែរ អាហារដ្ឋានយីហោ ជំនោជើងភ្នំឧដុង្គ ក្នុងភូមិសាស្រ្តភូមិចេតិយថ្មី ឃុំវិហារលួង ស្រុកពញាឮ ខេត្តកណ្តាល។ កម្លាំងសមត្ថកិច្ចបានធ្វេីការចុះបង្ក្រាប និងឃាត់ខ្លួនជនសង្ស័យចំនួន៣នាក់ រំដោះបានជនរងគ្រោះ២នាក់សង្ស័យពាក់ព័ន្ធករណីចាប់ជំរិត។

ប្រភពព័ត៌មានបានបញ្ជាក់ថា ជនជាតិចិនកំពុងចាប់ជំរិតមនុស្សនៅចំនុចក្បែរអាហារដ្ឋានយីហោ ជំនោជើងភ្នំឧដុង្គ ក្នុងភូមិសាស្រ្តភូមិចេតិយថ្មី ឃុំវិហារលួង ស្រុកពញាឮ ខេត្តកណ្តាល។
បន្ទាប់ពីទទួលបានព័ត៌មានភ្លាមៗ លោក អធិការបានបញ្ជាឱ្យកម្លាំងផ្នែកជំនាញ សហការជាមួយកម្លាំងតាមបណ្តាប៉ុស្តិ៍ ចុះទៅពិនិត្យទីតាំងកើតហេតុខាងលើ បានឃើញរថយន្តចំនួន២គ្រឿង ម៉ាក ALPHARD ពណ៍ ស ពាក់ផ្លាកលេខ ភ្នំពេញ 2AX- 9081 ចំនួន ០១គ្រឿង និង ម៉ាក ALPHARD ពណ៍ ខ្មៅ ពាក់ផ្លាកលេខ ភ្នំពេញ 2BZ- 7571 កំពុងឈប់ចតនៅក្នុងឃ្លាំងទុកចោល ក្បែរផ្លូវជាតិលេខ៥ និងបានឃើញមនុស្សរត់ចេញពីក្នុងរថយន្តចំនួន៣នាក់ រត់សំដៅទៅវាលស្រែខាងត្បួងកន្លែងកើតហេតុ។ បន្ទាប់មកកម្លាំងសមត្ថកិច្ចបានចូលទៅពិនិត្យក្នុងរថយន្ត បានឃើញជនរងគ្រោះ ចំនួន២នាក់ទី១- ឈ្មោះ នូ នុងគ័ង ភេទប្រុស ជនជាតិចិន បច្ចុប្បន្នស្នាក់នៅក្នុងកាស៊ីណូលីម៉ាកាវ ខេត្តស្វាយរៀង (កំពុងអង្គុយក្នុងឡាន ពណ៌ ស ស្ថានភាពដៃជាប់ខ្នោះ ចងភ្ជាប់នឹងដៃកាន់ក្នុងឡាន និងជើងទាំង០២ជាប់ចំណង) ទី២-ឈ្មោះ ម៉ៅ ភក្តី ហៅ ភក្រ័ ភេទប្រុស អាយុ៤២ឆ្នាំ ជនជាតិខ្មែរ មុខរបរអ្នកបើកបរ មានទីលំនៅភូមិស្តៅកន្លែង៣ ឃុំដីឥដ្ឋ ស្រុក កៀនស្វាយ ខេត្តកណ្តាល ( អង្គុយក្នុងរថយន្តក្នុងស្ថានភាព ដៃជាប់ខ្នោះ)។
កម្លាំងសមត្ថកិច្ចមួយចំនួន បានតាមស្វែងរកជនសង្ស័យ បន្ទាប់មកកម្លាំងជំនាញ និងកម្លាំងប៉ុស្តិ៍បានឃាត់ខ្លួនជនសង្ស័យ ដែលបានរត់ចេញពីរថយន្ត បានចំនួន ០៣នាក់ ទី១- ឈ្មោះ AMANBEK ZHAIDER ភេទ ប្រុស ជនជាតិ KAZA KHSTAN ទី២-ឈ្មោះ MUZBOLAT ភេទ ប្រុស ជនជាតិ KAZAKHSTAN ។ ទី៣-ឈ្មោះ AMAN SYRLYBAY ភេទ ប្រុស ឆ្នាំកំណើត ២០០០ ជនជាតិ KAZAKHSTAN ។ បច្ចុប្បន្នជនសង្ស័យត្រូវបានបញ្ជូនទៅផ្នែកជំនាញដេីម្បីសាកសួរនឹងចាត់ការតាមនិតិវិធីច្បាប់ ៕