សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន អញ្ជើញដង្ហែអង្គកឋិនទានមហាសាមគ្គីគ្រួសារខ្មែរ ដល់វត្តពោធិគិរីវង្សារាម

ភ្នំពេញ៖ នារសៀលថ្ងៃទី៤ ខែវិច្ឆិកា ឆ្នាំ២០២៤នេះ សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា បានដង្ហែអង្គកឋិនទានមហាសាមគ្គីគ្រួសារខ្មែរ ដល់វត្តពោធិគិរីវង្សារាម ខេត្តត្រាវិញ (ខេត្តព្រះត្រពាំង) សាធារណរដ្ឋសង្គមនិយមវៀតណាម (ខ្មែរក្រោម)។

ក្រោយធ្វើដំណើរទៅដល់វត្តវត្តពោធិគិរីវង្សារាម ភ្លាម សម្ដេចកិតិ្តព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ព្រមទាំង ថ្នាក់ដឹកនាំ មន្ត្រីរាជកា នៃរាជរដ្ឋាភិបាលកម្ពុជា បានបូជាព្រះរតនត្រ័យ និងជួបសំណេះសំណាលជាមួយពលរដ្ឋខ្មែរក្រោម ដែលរង់ចាំនៅទីនោះប្រកបដោយក្ដីនឹករលឹក និងស្និទស្នាលជាទីបំផុត៕