អគ្គិភ័យមួយកន្លែង នៅចំណុចរោងចក្រ SDY (ផលិត ទ្វារ, បង្អួច) ស្ថិតនៅផ្លូវបេតុង ភូមិក្រាំងអង្រ្កង សង្កាត់ក្រាំងធ្នង់ ខណ្ឌសែនសុខ

ភ្នំពេញ ៖ នៅវេលាម៉ោង២១:១០នាទីយប់ ថ្ងៃទី០៤ ខែវិច្ឆិកា ឆ្នាំ២០២៤ មានករណីអគ្គិភ័យមួយកន្លែងកើតឡើងនៅចំណុចរោងចក្រ SDY Company Construction Interior Design – Furniture (ផលិត ទ្វារ, បង្អួច) ស្ថិតនៅផ្លូវបេតុង ភូមិក្រាំងអង្រ្កង សង្កាត់ក្រាំងធ្នង់ ខណ្ឌសែនសុខ។

ហេតុការណ៍អគ្គិភ័យឆាបឆេះនេះ សមត្ថកិច្ចកំពុងស្រាវជ្រាវ។ អគ្គិភ័យនេះធ្វើឱ្យឆេះរោងចក្រទំហំ ៦០ម៉ែត្រ X ៩០ម៉ែត្រ ក្នុងនោះខូចខាតសម្ភារក្នុងរោងចក្រអស់ប្រហែល ៥០ភាគរយ ហើយពុំបានរាលដាលដល់អ្នកក្បែរខាងឡើយ។

ប្រភពព័ត៌មានបានបញ្ជាក់ថា នៅវេលាម៉ោង០៤:៣០នាទីទាបភ្លឺ ឈានចូលថ្ងៃទី០៥ ខែឆ្នាំដដែល អគ្គិភ័យនេះត្រូវបានពន្លត់បានទាំងស្រុង ដោយប្រើប្រាស់រថយន្តការិយាល័យអគ្គិភ័យរាជធានីភ្នំពេញ អគ្គិភ័យ ចំនួន ២១គ្រឿង ប្រេីប្រាស់ទឹកអស់ចំនួន ១២៦ឡាន ស្មើរនឹង ៥០៤ម៉ែត្រគូប, រថយន្តអគ្គិភ័យកងពលតូចង៧០ចំនួន ០៦គ្រឿង ប្រើប្រាស់ទឹកអស់ចំនួន ១២ឡាន ស្មើនឹង ៤៨ម៉ែត្រគូប, រថយន្តអគ្គិភ័យបុរីប៉េងហួតចំនួន ០២គ្រឿង ប្រើប្រាស់អស់ចំនួន ០២ឡាន ស្មើនឹង ១២ម៉ែត្រគូប, រថយន្តអគ្គិភ័យក្រុមហ៊ុនស្រាបៀរកម្ពុជាចំនួន ០១គ្រឿង ប្រើប្រាស់ទឹកអស់ចំនួន ០២ឡាន ស្មើនឹង ១២ម៉ែត្រគូប៕