អបអរសាទរ! ក្រុមកីឡាករបាល់ទះអង្គុយជនពិការ ផ្នែកបុរស ខេត្តកណ្តាល ក្លាយជាម្ចាស់មេដាយមាស នៃព្រឹត្តការណ៍កីឡាជនពិការ លើកទី២

វិញ្ញាសាកីឡាបាល់ទះអង្គុយជនពិការ ជាកីឡាមួយប្រភេទក្នុងចំណោមកីឡាទាំង១៣ប្រភេទវិញ្ញាសា ដែលត្រូវបានយកមកប្រកួត ក្នុងព្រឹត្តិការណ៍កីឡាជនពិការ លើកទី២។ ព្រឹកនេះ ខ្ញុំបានចូលរួមទស្សនាការប្រកួតកីឡាបាល់ទះអង្គុយជនពិការវគ្គផ្តាច់ព្រ័ត្រ រវាងក្រុមកីឡាករបាល់ទះអង្គុយជនពិការខេត្តកំពង់ស្ពឺ និងខេត្តកណ្តាល នៅគណៈកម្មាធិការជាតិប៉ារ៉ាឡាំពិកកម្ពុជា។ ជាលទ្ធផល ក្រុមកីឡាករបាល់ទះអង្គុយជនពិការខេត្តកណ្តាល ទទួលបានជ័យជំនះលើក្រុមកីឡាករបាល់ទះអង្គុយជនពិការខេត្តកំពង់ស្ពឺ។

ខ្ញុំសុំយកឱកាសនេះ កោតសរសើរ និងវាយតម្លៃខ្ពស់ ចំពោះគណៈកម្មការរៀបចំ ព្រមទាំងសូមចូលរួុមអបអរសាទរចំពោះក្រុមកីឡាករ កីឡាការិនីទាំងអស់ នៃព្រឹត្តិការណ៍កីឡាជាតិ លើកទី៤ និងកីឡាជនពិការលើកទី២ ឆ្នាំ២០២៤ ដែលបានខិតខំយ៉ាងស្វិតស្វាញ រៀបចំ និងប្រកួតតំណាងឱ្យខេត្តរៀងៗខ្លួន។ ទោះក្នុងលទ្ធផលយ៉ាងណាក៏ដោយ ការខិតខំប្រឹងប្រែងទាំងនេះ ជាស្មារតីនៃការបន្តបោះជំហានទៅមុខរបស់យើងក្នុងវិស័យកីឡាប្រកបដោយក្តីមោទនៈ ៕